3 月頭復出，上週一下午，阿嬌例行到天后屈臣道的排舞室，跟曾幫師姐容祖兒演唱會編舞嘅名師Chris 練舞，只見阿嬌主攻快舞，跳起嚟仲手腳有力，冇阿Sa 傍住一樣好勁！
疑似藝人淫照事件發生一年有多，男主角陳冠希一直「[龜縮」美國，下週一（23 日）更要為淫照案在溫哥華最高法院作證；女主角陳文媛及張柏芝繼續隱居避世，惟獨曾承認好天真好傻的阿嬌鍾欣桐，勇於面對現實，率先3 月復出。
雖然阿嬌復出傳足成年一直只聞樓梯響，但實情阿嬌鐵定下月頭全面復工，據知她將封咪停唱轉型主攻電影，更斟掂3 個廣告，復出頭炮上《志雲飯局》同陳總陳志雲開飯，鋪好晒路。
復工在即，28 歲阿嬌積極練舞再戰江湖，上週面對記者，面容飽滿的她話：「多謝關心，唔該讓開，畀條路我行！」
去年初疑似藝人淫照事件牽連甚廣，主角之一的阿嬌半退休一年有多，雖則不時出席慈善活動，亦拍過荷里活西片《W 》扮印度西施及國產片《梅蘭芳》，不過前者冇noise ，後者連影都冇，反應彈唔易落得中。
跳到出汗
跳咗一粒鐘，成身汗嘅阿嬌才第一次坐低抹汗，為復出盡力裝備自己。
飲水問料
跳足3 粒鐘後，當日嘅舞蹈堂才完畢，但阿嬌飲水時不斷問Chris 老師有甚麼地方可改進，認真好學。
主攻電影
今次決心復出，阿嬌大計一籮籮，據知最近英皇正替她接洽三個廣告，包括一個護膚品及兩個時裝品牌。據知情人士透露：「阿嬌拍大陸廣告，廣告商已話唔會有阻滯，而公司亦搭緊路，安排佢演出一套愛情片，如無意外會由彭發或阮世生執導，阿嬌已經做足準備。」
話晒停工一年，真人亮相試探市場反應先最重要。另一個阿嬌復出項目則是《志雲飯局》做嘉賓。「其實英皇同無線，已傾好3 月頭上去《志雲飯局》，大家一早傾掂數，有好多問題陳總都會就住阿嬌嚟問，免得過都唔好再提『淫照事件』，只會問阿嬌未來發展，一於錫住阿嬌。」知情人士說。
舞蹈師Chris 教落，跳舞時要當自己係主角先可發揮魅力，於是阿嬌對住塊鏡擺出個美人照鏡甫士扭腰跳，只化淡妝嘅阿嬌冇露出殘樣，反而好靚添。
跳完舞，阿嬌見到記者就禮貌地講「新年快樂」，仲笑住揮手拜拜，同以前黑面唔睬記者態度，判若兩人。
積極備戰
拍戲及接廣告傾掂，但阿Sa 與阿嬌能否再度合作才最令人關注，雖然上月阿Sa 出席港台頒獎禮時曾爆響口話：「我一個人上台演唱好唔慣，但我哋好快返嚟啦！」但有指英皇將安排Twins 孖妹分道揚鑣發展，阿嬌復出後會暫停唱歌，只有阿Sa 繼續勇戰歌壇，而阿嬌主攻電影。
雖則有英皇撐腰，但阿嬌對自己復出亦非常重視，連日來除於上月連搞4 場生日派對為28 歲慶生外，最近亦往天后一間舞蹈室積極排舞備戰，公司還搵了曾替張國榮演唱會排舞導師Chris 親身教授，記者見阿嬌跳足3 粒鐘都冇話
，愈跳愈精神
拍偶像劇
Twins 何時復合未有定論，但單飛發展嘅阿Sa 一樣密密接job ，最近還孖住型仔賀軍翔（小美）接拍台灣偶像劇《呼叫大明星》，劇中小美扮演大明星，而阿Sa 就飾演女司機會與小美日久生情。台灣《蘋果日報》圖片
難再復合
Twins最後一次演唱會，是07 年9 月於美國大西洋城舉行的《我們相愛6 年演唱會》，但自上年頭藝人淫照事件爆出後，孖妹被迫分道揚鑣發展，好難見到兩人同台演出嘅機會。《壹週刊》圖片
出壓力瘡據知今次復出，阿嬌承受很大壓力。「話晒阿嬌咁耐都冇出過嚟，其實佢都好擔心自己前途，搞到成日失眠，皮膚梗係差，之前佢面上仲生滿一粒粒紅點，好彩睇咗個皮膚專科，而家好番晒，仲靚過以前添。」阿嬌身邊人透露。
阿嬌整裝待發，一向錫到佢
的經理人Mani 週一對本刊說：「阿嬌好堅強，有晒心理準備復出，狀態亦好好，嚟緊的確有好多嘢安排，但暫時唔可以透露住！（會上《志雲飯局》？）總之好多工作啦！」
密接廣告
上年阿Sa 單拖接拍過EPS 及Bossini 優閒服等廣告，最近還帶住一班師弟妹如陳偉霆等演出可口可樂新廣告，密密賺錢荷包脹喎！《蘋果日報》圖片
淫照事件發生一年有多，但Twins 經理人Mani 一直對孖妹疼愛有加，尤其對阿嬌不離不棄，還在背後照顧支持，有情有義。
笑晒讓路有Mani 撐住，阿嬌定過抬油。上週一（9 日）黃昏，記者於阿嬌排舞完畢後直問她準備復出一事，她只含笑不答，但因記者阻住她上車，阿嬌才開金口話：「多謝關心，唔該讓開，畀條路我行！」記者追問呢句是否她心聲，阿嬌只笑住跟記者講：「新年快樂！」承你貴言啦！
陳總口密
傾掂上《志雲飯局》阿嬌復出頭啖湯，據稱已畀咗由陳志雲主持嘅《志雲飯局》，但記者就此事致電陳總，佢個口鬼咁密話：「吓！我仲未收到通知喎！一切都未firm ，我點知問佢咩好！」
賣樓甩身手揸3 層豪宅的阿嬌，自淫照事件後一直冇工開零收入，更一度要月供20 萬還樓債，好在阿嬌早前已經將其中兩個單位出售及放租，只留低慧明苑自住，雖然要蝕讓，不過而家每月供樓支出唔使5 萬，點都好過繼續做樓蟹啦！
西半山羅便臣道31 號中層C 單位-蝕︰130 萬
買入價︰1420 萬(8/08)
賣出價︰1290 萬(2/09)
西半山羅便臣道31 號中層D 單位
買入價︰1427 萬(9/07)
市值︰1290 萬(現以每月租金4.5 萬元出租)
中半山慧明苑
買入價︰570 萬(5/04)
市值︰1090 萬(自住)
主角做緊乜淫照事件發生咗成年有多，幾位主角繼續低調生活，照咁睇，阿嬌應該會係最快復出嗰個喎！
陳冠希︰做潮人Edison 現正在紐約修讀演戲及電腦課程，除間中為西片試鏡外，更全力打理自家品牌Clot ，經常同其他潮牌crossover 。而Edison 會於本月23 日到溫哥華為淫照案作證。
陳文媛︰等嫁人[龜縮多時，一度有傳BoBo 秘密在美國結婚生仔，去年11 月終於與男友金紫耀現身香港，兩人在北角半山寶馬山花園同居。
顏穎思（Rachel ）︰釣金[龜已脫離模特兒界，轉讀法律課程及開花店，去年更被影到與景福集團後人、身家逾億的楊承宇齊齊開P ，成功釣到金[龜。上週情人節則與女性友人行街飲嘢。
張柏芝︰食詐糊同老公謝霆鋒、仔仔Lucas 齊齊進駐赤柱億元獨立屋，唔使做的柏芝平時最愛陪拉姑tea 或返康樂園娘家，早前傳出柏芝懷有第二胎，可惜食詐糊。
《蘋果日報》圖片
陳思慧︰箍得掂雖然同建築師男友王立賢（Larry ）結唔成婚，不過兩人仍然恩愛，不時孖住行街買性感內衣。
