鍾欣桐（阿嬌）出道以嚟都以乖乖女形象示人，點知去年初突然爆出淫照事件，阿嬌多年嚟建立嘅形象盡毀而被迫暫別娛圈，經過成年淡化後佢鐵定下月全面復出。據知阿嬌落實咗做某牛仔褲品牌嘅東南亞代言人，早前佢已秘密拍攝廣告，聽聞佢當日著咗唔少牛仔褲影相，咁岩阿嬌嘅前男友兼淫照經手人陳冠希（Edison ）都做過牛仔褲代言人，呢啲唔知算唔算有緣！聽聞到時阿嬌會去東南亞同內地等地區宣傳，首站係香港添。
陳志雲將會喺《志雲飯局》度訪問阿嬌，等佢真情剖白淫照事件。
一向係潮人icon 嘅陳冠希都曾經做過Levi\'s 牛仔褲代言人。
真情剖白
除此之外，阿嬌更會亮相《志雲飯局》接受無線總經理陳志雲嘅訪問，真情剖白大談淫照風波，據知阿嬌同佢公司都話過冇乜問題唔可以問，但佢哋唯一要求係謝絕傳媒到場採訪，可能係阿嬌依然擔心唔知點樣面對傳媒，就呢件事向陳志雲求證，佢噚日喺電話度話：「而家一切都尚未落實。」
阿嬌成為某著名品牌服裝代言人，佢早排就著咗唔少牛仔褲影廣告相。資料圖片
http://appledaily.atnext. ... art_id=12215042
