比起當年肥到150 磅同埋瘦到得番90 磅嘅「極端」身形，現時應該係韓君婷人生之中最fit 嘅時候，難怪佢會風騷到連自己飛釘都無所謂啦！
32 歲的韓君婷（鬼妹），06 年患上厭食症後，由籮霸變成火柴人，唔單止身材走樣，連工作亦冇喺落。年前韓君婷醫好厭食症，自信心同工作即時返晒嚟，不過加盟無線幾年都係做閒角。
唔想再做大茄，韓君婷去年重投娘家亞視懷抱，近日正忙於拍攝亞視全新資訊節目「生活著數台」。上周四（5 日）晚，韓君婷與另一主持黃倩婷到曼谷，為該節目進行外景拍攝，韓君婷雖然有番少少肉地，但暴肥暴瘦搞到肚皮鬆晒，巨躉又下墮，雖然佢已經好戮力拋胸飛釘兼露埋紋身，但瘦到胸都冇，吸引力自然大減。
真係好懷念當年大咪狂唧豬腩肉嘅韓君婷，起碼有娛樂性呀！
01 年韓君婷遠赴日本箱根參加《宇宙無敵獎門人》遊戲節目，虎背熊腰嘅佢穿上火紅色泳衣時，40 吋巨躉加粗象腿成為眾人笑柄，估計她當時體重超過150 磅。《蘋果日報》圖片
曾經有前有後嘅韓君婷，一瘦起來連個胸都冇埋，就算依家點樣烏身彎腰，都仍然冇走光風險。
鬆弛肚 雖然整體身材仍然偏瘦，但係開始有番少少肉地嘅韓君婷一烏低身，肚皮嘅鬆肉即時顯現，確實有礙觀瞻。
韓君婷晒身材之餘，仲唔覺意晒埋佢位於右邊大腿上嘅月亮裸女紋身。
下墮躉 曾有「籮霸」之稱嘅韓君婷，當日雖然穿上短褲，仍可見到pat pat 肉因巨躉消失而下墮。
97 年獲選亞姐冠軍的韓君婷，曾以36C 、26 、39 驚人三圍被冠以「籮霸」稱號。02 年韓君婷成為纖體代言人時曾激瘦40 磅，成為一時佳話。但早年有報道指韓君婷被同性密友陳早茵（陳欣健長女）狠飛後，令已減肥過度嘅佢患上厭食症，體重由高峰期150 磅大降至90 磅，即被傳媒冠以「火柴人」之名。
兩年前韓君婷約滿無線，養尊處優後開始回復「正常」身形，去年中她在亞洲小姐選舉中現身後，亞視即斟她回巢，現時她與亞視簽了普通藝員合約，合作形式是以每個節目計算。
35C 亞姐黃倩婷 亞視另一位新晉咪神黃倩婷未埋位都已經搏到盡狂拋巨奶，養眼程度比韓君婷有過之而無不及。
韓君婷同班工作人員一收工就食唔停，見佢嘅食量拍得住班男工作人員，就知佢嘅厭食症已經徹底康復。
心情靚好擦得
上周四（5 日），韓君婷與07 年落選亞姐黃倩婷出發到泰國曼谷，為亞視「生活著數台」拍攝外景，兩人到達曼谷後，便乘車到市中心食「海南雞飯」。翌日（6日）上午，拍攝大隊到位於Siam Discovery 一間家品店拍攝，之後再到Big C 商場食午飯。當日所見，韓君婷雖然患過厭食症，但病癒過後食慾明顯回升，一個人食晒碗飯。
本周二（10 日）下午，大隊到達PIYAVATE 醫院內的健康中心進行拍攝，該中心除了提供spa 服務外，還有泳池及其他健身設施。當日韓君婷和拍檔黃倩婷齊齊穿上三點式泳衣到泳池拍攝，面對今年只有20 歲、參選亞姐時獲「魅力秀髮大獎」嘅黃倩婷，韓君婷身材明顯比下去。
火柴人時期 鬼妹韓君婷曾由150 磅的豪華臀變成只剩90 幾磅的火柴人。
家中自閉 06 年6 月韓君婷曾被雜誌拍到她日日匿埋屋企煲煙睇電視，生活頹廢。《壹週刊》圖片
情傷厭食 韓君婷早年與陳欣健長女陳早茵過從甚密，兩人夜蒲時態度親熱。
好滿意自己身材
黃倩婷07 年參選亞姐時憑其35C 、24 、36 魔鬼身材成為焦點，反觀以往無定向暴肥暴瘦的韓君婷，厭食症後身材大不如前，肚皮肌肉和臀部出現嚴重鬆弛，甚至連僅餘32A 胸部亦有下墮情況。記者更發現，韓君婷右邊大腿外側多了一個香艷紋身，圖案是一個裸女坐在月亮上，不過韓君婷全程喺住條短褲，掩飾其下墮的臀部，所以記者未能拍攝到整個紋身。
本周三晚（11 日），記者致電韓君婷，她說：「我今日先喺泰國拍完外景返嚟。（你拍外景喺泳衣喎！你對自己依家嘅身材滿唔滿意？）你哋都係想知我個胸同籮有冇大到啫！總之我好滿意自己身材啦！依家我身體好健康，嚟緊會全情投入工作。」
