下個禮拜四係開心果沈殿霞（肥姐）逝世一周年嘅日子，當日肥姐生前嘅好友會一齊去拜祭佢。雖然肥姐已經離開咗成年，但佢個愛女鄭欣宜到而家仲喺適應階段，每當佢想起媽咪就會控制唔到情緒。
懷念媽咪匿埋喊
飛去賭城嘅航程咁長，欣宜發揮開心果精神玩樂解悶。
好似喺農曆年過時，欣宜去咗拉斯維加斯賭城擔任春節聯歡晚會嘅表演嘉賓，由於欣宜曾經同肥姐去賭城玩，所以當欣宜去到賭城就即刻諗起肥姐，就算同事玩得好開心，欣宜都會匿埋喊。
出席劉家昌個唱
欣宜同老翻魔盜王、肥版米高積遜喺洛杉磯街頭合照留念。
今次賭城之行，欣宜仲被安排乘坐包機，面對豪華嘅環境同美食，欣宜坦言大開眼界，佢興奮話：「因為喺飛機度有燕窩、魚子醬食，不過我怕肥就要忍口，主辦單位本來想4月再請我去唱，但因為撞正我拍劇，所以可能要延期咋。」此外，早前有傳欣宜同師傅劉家昌不和，所以佢連恩師嘅個唱記招都冇出現，不過身為欣宜嘅暫代經理人陳淑芬就透露欣宜會擔任劉家昌首場個唱嘅嘉賓，順便澄清吓兩個人冇不和。
欣宜坐豪華包機去賭城開工，仲喺飛機度食燕窩同魚子醬。
http://appledaily.atnext. ... art_id=12198005
