官恩娜前日爆有「已婚Trip 魔」借醉非禮女藝人，據悉失婚的郭政鴻（鴻仔）及女藝人周家怡，捲入「借醉風波」中，兩人均予以否認，據悉無
製作資源部總監樂易玲，已向男女主角問話。無
近日繼「魔術鹹豬手」事件後，官恩娜前天突然再爆出有「已婚Trip 魔」借醉擒女，而她似是而非的貼士，掀起全城「緝兇」，而樂易玲亦漏夜與她通電話了解事件，並向事件男女主角問話。據悉，無
方面已掌握事件真相，並無牽涉鹹豬手成分。
據了解，郭政鴻與周家怡均被捲入漩渦，兩人曾合作劇集《酒店風雲》，並曾到東莞拍外景，與吳卓羲、馬德鐘和Ella 等收工消夜及到酒吧消遣。
唔答假設問題
捲入事件的鴻仔昨回應說：「呢件事交畀公司處理，唔明點解有咁嘅事？傳到咁？根本冇發生過咁嘅事，唔明點解曲解成咁？我哋拍戲一齊食飯，之後各自返酒店，其他嘢唔知，總之令我名譽受損，會保留追究權利。」
周家怡最初回應：「冇可能，好搞笑。（如果係你會點？）假設性問題唔答，牽涉公司形象，問咗公司先。」約一小時後，再致電家怡問她是否事件「女主角」，她說：「有聽過，我同樂小姐、郭政鴻通過電話，交代冇發生咁嘅事，如果有一定夠膽認。樂小姐叫我講出事實，唔需要刻意隱瞞。（同鴻仔飲嘢？）唔記得，未試過同佢兩個人。（佢追你？）梗係冇！（點解Ella 咁講？）我真係唔知，唔想評論，我只講自己嘅事。（戥鴻仔唔抵？）咁有冇戥我唔抵？佢咁大個人，佢自己知。（同鴻仔仍然係好朋友？）係，間中成班人出
食飯。」
阿滕力撐男友
郭政鴻女友滕麗名力撐對方為人：「好多人都知佢飲醉咗就會翹埋雙手，佢話怕畀人誤會。如果真係有咁嘅事，希望女主角出番嚟講，唔係人哋十幾年嘅聲譽一朝喪。加上近排發生咁多嘢，都怕影響拍戲士氣。（籲Ella 再交代事件？）呢啲要畀佢自己講清楚。」
文：專案組
周家怡profile
洋名：Cat
年齡：29
身高：5 呎2 吋
三圍：33B-24-35
入行經過：無
第12 期藝員訓練班
代表作：《火舞黃沙》飾演「兔唇女」、千金小姐
圈中老友：佘詩曼
郭政鴻獲阿滕力撐。
周家怡曾與郭政鴻合作《酒店風雲》。 （資料圖片）
阿滕力撐鴻仔不會借醉行兇。
