苑瓊丹早前在電台節目中大爆無線「魔術鹹豬手」胸襲郭羨妮及陳芷菁後，事件愈鬧愈大！
由於事件發生在幾年前，追究無從，為免愈描愈黑，無線已暗中下令，叫各演員收口。雖然高層想低調處理，但由於「魔術鹹豬手」淫行連連，有很多工作人員及藝人不值其所為。據幕後人員爆料，受害女藝人除了郭羨妮及陳芷菁外，還有楊怡及陳敏之，連經理人部門的女職員、PA （助導）亦成為「魔術鹹豬手」的獵物。難怪陳芷菁接受本刊獨家訪時，亦難掩憤恨：「呢啲人要懲戒。」
魔術鹹豬手」事件爆發後，唔少涉嫌的小生叫苦連天，怕誤中副車被拖落水，而爆料人苑瓊丹於本月3 號晚的《東張西望》中指出，真兇非活躍小生，為陳豪、黃宗澤伸冤。
楊怡曾與多位小生合作拍劇，00 年曾與蔡子健合作拍《婚前昏後》。
男仔頭嘅陳敏之（左一），與圈中不少男星都甚老友。
強加親熱戲
其實，無線台前幕後，不少人不值「魔術鹹豬手」所為，有幕後人員爆：「其實『魔術手』真係揩過唔少女藝員油，佢專向嗰啲啱啱上位嘅花旦埋手，蝦人哋唔敢出聲。好多年前佢同楊怡拍過套劇，係飾演情侶嘅，嗰陣楊怡仲係新人，但『魔術手』竟然同導演要求加親熱戲，最後加咗場擁抱戲，睇住佢攬攬吓楊怡隻手就順勢摸咗落人哋個pat 度，事後楊怡都同人呻過。
而陳敏之友人亦大爆：「敏之之前都俾『魔術手』捽過腰，敏之份人鬼咁男仔頭，同班男藝員成日稱兄道弟，都會搭吓膊頭攬吓腰，有次『魔術手』攬住敏之條腰扮friend 時，突然喺佢背脊捽吓捽吓，嚇到敏之即時彈開，事後敏之話好噁心。」
不過，由於無線已下令藝人收口，所以陳敏之及楊怡提到「魔術手」事件，亦立即劃清界線。陳敏之透過電話回覆：「我冇試過俾人抽水，女仔要識得保護自己，有事情發生會同公司講。」說罷匆匆收線。而另一受害人楊怡，2 月4 日晚返廠拍劇時，被問到是否曾遭『魔術手』強加親熱戲時，她十分驚青避談該事，立即跑住入廠：「冇呀！唔知呀！我趕住入廠。」
事件女主角陳芷菁，周二（3 日）三點半返無線開工時，被記者包圍，雖然她堅稱自己不是受害人，但談到「魔術手」時，卻義憤填膺。未待記者開口，芷菁已搶先說：「我諗嗰個（受害者）唔係我囉！成件事情影響咗太多無辜嘅男同事。」
摸pat
「魔術手」向導演要求加親熱戲，一場擁抱戲中，楊怡慘被摸pat 。
本周三（4 日）晚，記者向楊怡追問當年「魔術手」要求導演增加親熱戲，楊怡聽見「魔術手」即驚青地說；「冇呀！我唔知呀！我依家要趕住入廠呀！」
捽腰
「魔術手」與陳敏之稱兄道弟，扮friend 攬腰時猛捽，陳嚇至彈開。
小生捲入是非
「魔術鹹豬手」事件後，識玩魔術的蔡子健及黎諾懿，高大靚仔的陳豪、馬德鐘及吳卓羲亦被牽涉其中。
馬德鐘 唔識玩魔術
「我只係乎合一個高度條件，我唔識玩魔術，又冇喺女藝員面前玩魔術。我希望苑仔將涉案人講詳細啲，以我以前警務人員嘅經驗，苑仔應去錄口供。」
蔡子健 寸爆變謝晒
蔡子健2 號回應時寸爆話︰「如冇實質嘅，我唔需要回應，真係查到先算。」不過事隔一日，被無線高層召見的他，明顯謝晒，被問及與樂易玲見面傾談甚麼時，只說：「了解吓！」周三（4 日）再致電他時，手電轉到留言信箱，並由經理人代覆︰「呢件事唔再回應。」
《蘋果日報》圖片
黎諾懿 唔需要解釋
「我身高都over 一米八，我係識玩魔術，但我冇拍過旅遊節目喎。冇為呢件事唔開心，覺得唔需要解釋，識我嘅人都知我係點，源頭都講得唔係好清楚，嗰個人真係有做，都想佢有應得嘅懲罰。」
《蘋果日報》圖片
陳豪 阻止再發生
「依家係要阻止呢件事再發生，而唔係去估邊個做，因為已經有人受到傷害，只係唔希望再有呢啲事發生，受害人要勇敢企出嚟講，阻止歪風，要團結撲滅罪行。」
吳卓羲 受侵犯出聲
「以我所知馬德鐘唔識變魔術。好多女仔因為驚唔敢出聲，如果我見到都會出聲，不過都要睇吓個女仔嘅反應。女藝人受到侵犯要出嚟指證，唔可以忽視，煮公仔麵我識，但我唔識玩魔術。」
可向平機會求助
據平機會發言人表示︰「在公司不幸受到性騷擾，可向我們求助。當然，如果受到嚴重性騷擾，如強姦和非禮等，則要向警方求助。」
其實，性騷擾定義是指對方作出令自己難受的行為，發言人指︰「任何具冒犯性、侮辱性及威嚇性，而又涉及性的行為、言語或圖片，令你難以安然地工作，已經構成性騷擾。」向平機會求助必須以書面形式作出投訴，委員會在接獲投訴後，首先會進行調查，決定是否展開調解工作，受害人可向被告追討金錢上的賠償或道歉等。
陳芷菁
爆
撞胸
「魔術手」扶陳芷菁落樓梯時，突然用其手踭撞胸，陳大怒。
強調自己並非受害人的陳芷菁，談起「魔術手」卻愈講愈
。
陳芷菁洩真兇
記：邊個無辜呀？
陳：嘩！好多都好無辜，好似陳豪！佢好到不得了，馬國明、馬德鐘成班都好friend 。有時都幾可悲，件事發生咗，唔理我係咪受害者，竟然有人話：「喂！係咪你自己感覺錯呀！」我就好大反應，唔好侮辱我哋女人嘅智慧，究竟係唔小心定係蓄意非禮？女人係識得分嘅，我亦希望冇被傷害嘅人用同理心去睇被傷害嘅人。
記：公司有冇做嘢？
陳：公司好好，因為呢件事我上咗雜誌，公司都有高層打電話同我傾偈，我覺得好warm ，佢哋知道係一個美麗嘅誤會。
記：苑瓊丹應該公開「魔術手」身份？
陳：梗係應該啦！其他嗰啲無辜嘅人就唔使咁慘。我覺得有啲人係咁樣嘅時候，自己都應該去睇吓醫生，盡快醫好呢個病。（鹹豬手？）係啦！盡快醫好呢個病。
記：件事喺樓梯發生？
陳：唔……我要入廠，你唔好等我！問番俾料嗰個人，如果俾料俾得咁多都幾叻！
記：係05 年拍樓盤特輯時發生？
陳：係咩？05 年呀？
記：當時台前幕後都知，你都曾經嘈過㗎，但後來不了了之啫。
陳：係……我就唔覺呀。真係㗎？我依家嘅態度，就係你千祈唔好掂我，我一定出聲，因為呢啲人要懲戒。（說罷即匆匆趕入廠。）
郭羨妮唔覆
《蘋果日報》圖片
摸胸
「魔術手」以表演魔術為名，笑言可將紙巾穿過郭之身體，突然將手由其肩膊摸落胸口，郭不知所措。
記者致電郭羨妮，但其手電長期駁至留言信箱，至截稿前仍未回覆。
暗戀郭多年
據『魔術手』友人透露：「『魔術手』鍾意咗郭羨妮好耐啦！佢覺得Sonija （郭之洋名）樣靚身材正，佢屋企張電腦枱都放咗兩人嘅合照喺度。99 年Sonija 參選港姐贏咗部房車，後來想賣車，『魔術手』即刻幫佢買咗。『魔術手』早兩年每次飲醉都會講：『我真係好鍾意Sonija ，用咗好多方法
佢，但佢點解會咁對我？』05 年佢再同Sonija 拍劇時，繼續獻殷勤，仲對Sonija 示愛，但人哋對佢冇興趣，可能因為追女不遂，至借玩魔術博懵。」
一位幕後工作人員亦爆料話：「『魔術手』好鍾意撩女仔，成日表演魔術俾啲女仔睇，其實公司好多女仔都有投訴佢。陳芷菁05 年拍樓盤特輯時，同行男藝員還有洪天明、吳家樂及蔡子健，女藝員有陳敏之，拍足幾日，其間『魔術手』借扶芷菁落樓梯，乘機用手踭撞佢胸部。出事後芷菁大怒，曾經嘈到台前幕後都知，但公司覺得冇證冇據，又覺得可能係芷菁錯覺，件事咪不了了之囉！」
《蘋果日報》圖片
99 年，郭羨妮奪港姐冠軍後，即獲贈Honda 七人車，不過後來她轉揸日產civic 後，便將此車轉賣給「魔術手」，當時還未發生胸襲事件。
鹹濕可能是病態
過往犯非禮的色狼，可為病態及非病態兩種。香港大學醫學院精神學系吳敏倫教授指︰「單憑犯案者嘅行為，不能斷定佢係咪病態，鹹濕未必係病態，耍診斷過先知。而所謂對其他人毛手毛腳等非禮行為，亦可能會於精神錯亂或精神分裂等患者身上發生。」
「魔術手」出身兒童節目，然後再轉去戲劇組拍劇。
苑人形容「魔術手」的特徵是：外形高大靚仔，擅玩魔術、拍過旅遊特輯、曾與女藝人拍拖及非活躍小生。
揭成魔之路
而一位兒童組人員亦爆料：「初時同『魔術手』做同事，都覺得佢幾好傾，無所不談，尤其係對住女仔，就特別感性！佢成日好誠懇咁講理想講到眼濕濕，令人對佢印象加分，佢啲魔術都係做兒童節目時學嘅。每星期佢都會幫晒成個兒童組嘅人去嗱TVB 周刊，表面就幫我哋嗱書，其實係想搵機會同經理人部門啲女職員熟絡。聽講當時真係有個女經理人俾佢冧掂，仲織頸巾俾佢，幫佢轉去戲劇組，但其實佢有個感情好穩定啲女友，但為咗上位，佢就一腳踏兩船！
「之後轉咗拍劇，佢變晒質喇，更加花心，見一個冧一個，尤其係幫到佢上位嘅人，劇組幾個女PA 都同佢有一手。為咗生存，佢搏命討好人，愈撈愈掂，但呢兩年因為惡行敗露，所以工作咪愈嚟愈少囉。」
『魔術手』事件發生至今，樂易玲亦召見有關人士，包括蔡子健及苑仔。樂易玲指：「蔡子健依家拍緊兩部劇，佢同經理人李文湘上嚟，我都有同佢了解吓件事，呢件事同好多人傾過。（有乜進展？）冇乜進展，都係娛樂新聞一則。呢件事可以警戒吓任何人，以後任何時候小心啲，我覺得件事可信性唔高，件事有人講大咗，我哋會高度處理，苑仔講得好清楚，佢冇話係TVB 嘅人……」
女星息事寧人
電視台爆出「魔術手」淫行，全台女藝員人人自危，不過，唔少女藝員都會採取息事寧人態度，唔怪得「魔術手」可以逍遙法外。
楊思琦 唔知點舉報
之前有人同我講過「魔術手」，但我冇見過佢玩紙巾魔術，我淨係見過佢玩銀仔，我冇試過俾人鹹豬手，大吉利是遇到呢啲事真係唔知點舉報好，好似好尷尬咁，或者人哋唔係有心呢！
胡定欣 同人商量吓
我係最近先聽過呢件事，都同佢（「魔術手」）合作過，但唔覺佢係咁嘅人，不過呢啲係品格問題，如果發生喺我身上，又有咁多受害者，都可以大家商量吓點做。
張美妮 佢過分熱情
我冇同佢（「魔術手」）合作過，不過我做《閃電傳真機》時見過佢嚟探班，聽人講過佢過分熱情。同馬德鐘拍過旅遊節目，我哋好熟，有時都會攬住合照，只係friend 嘅表現啫。
汪琳 佢好恨拍拖
我有同佢（「魔術手」）合作過拍劇，佢好有風度，食嘢嗱飯都會take care 我，佢應該唔係（鹹豬手），我淨係知佢好恨拍拖，佢好照顧我，可能我個樣似弱小可憐。
姚子羚 我唔會出聲
就算目擊鹹豬手事件，都未必會出聲，因為唔確定女方願唔願意，（你唔出聲下一個目標輪到你？）我唔會出聲，但會搵經理人講，苑仔係好抱打不平，我係苑仔都唔會講係邊個，每個人都有私隱。
