劉德華將於情人節推出新碟，為拍攝新碟靚相，華仔早前拉隊到泰國沙灘拍攝，更砌了一個巨型模型做佈景。華仔笑言曬黑會更有男人味，但由於早前看過李克勤的健身成果厲害，因此今次不會露胸肌。
近兩年沒有推出新廣東碟的劉德華，將於情人節（下周六）推出《LOVE HOPE 》，近日華仔已經縮減農曆新年假期，全力宣傳。今次是華仔加盟東亞後首張新碟，唱片公司花費近百萬拉大隊到泰國拍封套和MV ，在一個無人沙灘上搭建了一座「LOVE HOPE 」巨型立體模型。華仔單是為拍唱片靚相，先後換了近十套衫，他也忍不住笑說：「不停影相，係咁叫我轉甫士，換咗近十套衫，直頭好似喺泰國沙灘開個時裝騷。」
曬黑添男人味
拍攝當日烈日當空，雖然要在沙灘上爬上爬落上水下水，但華仔都應付自如，反而是工作人員表現緊張，影了個多小時後工作人員發現華仔手臂及手掌被曬到兩截色，因此立即問華仔是否需要休息，又叫人為他打傘遮陰，華仔笑說：「唱片公司直頭當我皇帝咁服侍，搞到我都有啲唔慣，我咪同佢哋講我唔怕曬黑。我做咗偶像歌手咁多年，睇怕都升級實力派，曬黑少少仲有男人味。」會否大晒性感胸肌？華仔笑說：「呢排克勤咁勁，我啲胸肌都係收埋吓先，估唔到佢操起上嚟咁大隻，我去紅館睇佢騷，同觀眾一樣睇到嘩嘩聲，好勁呀。」
華仔突然興起做倒立動作，一展身手，但卻不肯露胸肌，笑稱不敢與克勤（右圖）比較。
資料圖片
推慈善朱古力
華仔親手寫下歌詞作拍攝之用，親力親為。
此外，華仔將於下周一（9日）與Leonidas 朱古力合作，為有語言障礙的兒童籌款推出情人節限量版朱古力，華仔透露到時他定必收到歌迷的朱古力，他笑說：「呢批朱古力會係今年情人節所有朱古力中，令人食咗最甜最開心嘅朱古力。」另外，華仔昨日到商台接受訪問，對於無線出現魔術鹹豬手，一向喜歡魔術的華仔說：「咁玩魔術識女仔係易啲，同人溝通都有話題。其實鹹豬手間唔中都聽到，但用魔術就影響玩魔術嘅人嘅聲譽。」撰文：葉雪、王連連
華仔身穿白衫白褲坐在巨型立體字模上擺甫士影相。
http://appledaily.atnext. ... art_id=12171052
