洪卓立（Ken ）上月中因疲勞過度引致肺積水復發，由於情況嚴重醫生即時為他做手術，但病情卻急轉直下一度危殆，全身插滿喉的Ken 每日痛到以淚洗面，就連新年都要在醫院度過，連經理人霍汶希都心痛得希望為他分擔一半痛楚。
洪卓立去年九月突然感到心口痛及呼吸困難，隨即送院照Ｘ光，最後證實肺積水及肺膜炎，當時Ken 已全面停工休息，直至去年底，Ken 復工拍攝台灣偶像劇《王子看見二公主》，忙得港台兩邊飛。據知，Ken 原定上月十八日飛返台灣開工，但起飛前一晚突然發高燒，並到急症室求診，醫生證實肺積水復發，加上病情嚴重，要即時為Ken 做手術。
拒絕Twins 探訪
接受完手術的Ken 情況未有好轉，反而有惡化跡象，經常感到腦痛，更一度接近危殆。據知，醫生已為他抽取腦骨髓化驗，報告過幾日才有。全身插滿喉的Ken 心情難免大受影響，更被病魔折磨得淚如雨下，現時仍留醫中，身為師姐的Twins 原本打算探病，希望作一些鼓勵及支持，但遭Ken 阻止，因他不想見任何人。
由於Ken 有份參演的《王》劇是邊拍邊播，以Ken 現時的情況根本復工無期，故有關他的戲份要臨時抽起，劇本亦要重寫，有台灣觀眾發現近幾集《王》劇沒有Ken 出現，已致電電視台查問及投訴；而英皇方面堅持將病情保密，不肯透露半句，難免令人對Ken 的病況更擔心。
Mani 睇到心痛
就事件求證英皇藝人管理及唱片部總監霍汶希（Mani ），她承認Ken 入了醫院，說：「佢嘅病情好嚴重，公司同佢都唔想受到騷擾，如果大家去探病，佢都要接見大家。（將事情低調？）唔想佢受到騷擾，加上新年流流唔想講唔開心嘢，
住都係唔想歌迷擔心。」
至於《王》劇被迫「變陣」，Mani 說：「會向台灣方面好好交代，佢哋
邊都好明白Ken 情況，好體諒。（Ken 個肺仲滴緊水？）係，做完手術都冇好過，仲惡化咗，大家都好擔心。（Ken 精神點？）見到佢我好心痛，我希望能夠share 佢嘅痛苦，佢依家全身插滿喉。」Mani 表示明白大家關心Ken ，她說：「大家唔好探佢住，佢需要接受治療。」
文：音樂組
洪卓立肺積水復發，病情急轉直下，至今仍在留醫。 （資料圖片）
洪卓立有份參演的台劇《王子看見二公主》，被迫重寫劇本。
