洪卓立送驚喜嚇喊湯怡

1^# 大中小 young 發表於 2015-10-20 23:54 發短消息

洪卓立昨日在沙田出席商台活動，洪卓立自爆本來為女友湯怡的28歲生日製造驚喜慶祝，卻鬧出笑料，他說：「每年都搞驚喜派對，早兩日叫曬佢既朋友先匿喺房，佢返嚟時我扮打機，點知佢入屋即除淨底褲，想換條舒服褲，佢見朋友走出嚟嚇到喊，都嬲嬲哋。」搞出大頭佛後，洪卓立如何𠱁女友？他說：「冇事嘅，以後唔喺屋企搞就得喇！」笑問兩人是否平日在家隨處也幹大事，他即裝儍說：「我聽唔明喎！」
from:http://hk.apple.nextmedia ... 151018/19337547

廷伸閱讀/相關主題推介:

相關主題:湯怡洪卓立

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2015-12-5 00:23 發短消息

洪卓立湯怡聖誕「分手」

歌手洪卓立（Ken）昨日現身「第50屆工展會」新聞發布會，他表示與女友湯怡同樣慳家，很少會一起去行工展會：「因為除咗嘢食嗰part，大家睇嘅嘢唔同。」又透露曾用三、四千元去購買適合自己的枕頭。

湯怡

Ken說湯怡將到內地拍電影，二人未能一起慶祝聖誕節，加上他亦忙於籌備新唱片，相信難去探班：「佢最怕住酒店會發生靈異事件，仲要挑戰拍恐怖片，都唔知佢點喇！」而湯怡昨日出席另一活動，她指Ken曾因肺積水入院，之後她努力學煮嘢食，煲湯給他補身。

洪卓立
From:http://orientaldaily.on.c ... /00282_052.html

TOP

3^# 大中小 young 發表於 2015-12-5 05:08 發短消息

洪卓立難探怕鬼女友

洪卓立（Ken）噚日喺上環出席工展會記者會，佢透露自己條頸唔係咁好，所以最捨得買嘅嘢就係枕頭，𠵱家瞓緊嗰個要成4,000蚊。聖誕將至，問到佢同女友湯怡點樣慶祝？Ken就話：「佢要去內地拍戲，我呢個月忙新碟嘅嘢，所以去唔到探班，佢驚酒店啲dirty嘢，今次仲係拍恐怖片。」提到會唔會預祝兼買定禮物？Ken話：「我哋都係食嘢為主，會食餐飯。」

撰文：馮仁昭

馮仁昭
from:http://hk.apple.nextmedia ... 151203/19396848

TOP

4^# 大中小 young 發表於 2015-12-14 00:03 發短消息

湯怡冧歌送洪卓立

英皇藝人湯怡（Kathy）、陳家樂、歌手陳凱彤及麥子樂昨日出席商場活動，期間Kathy的男友洪卓立（Ken）更到場支持，Kathy即場唱出《世上只有》向男友「示愛」，Ken則化身龍友影個不停。Kathy笑言因場地近，Ken才出現：「我練歌佢都幫我唔少，佢特登喺電腦裝咗個軟件畀我錄歌，同埋我嚟緊會去杭州拍戲，要爭取多啲時間見面。」

湯怡與陳家樂用手砌心心。

入圍澳門電影節的最佳男配角的家樂，搶先多謝電影拍檔惠英紅：「初初知道同咁有分量嘅人合作好有壓力，佢又成日爆肚，我同佢講唔知點接落去，但後尾佢同我講唔一定跟足劇本讀，最緊要演得舒服，結果有一半對白都係我哋即興。」

洪卓立
From:http://orientaldaily.on.c ... /00282_042.html

TOP

5^# 大中小 young 發表於 2015-12-19 19:49 發短消息

洪卓立燈飾冧湯怡

洪卓立與李龍、陳咏儀昨日到維園工展會出席港台活動，他們合作演出短劇，洪卓立教李龍媾女絕技，與湯怡拍拖的洪卓立說：「我其實唔叻，冇乜方法，都唔係特登追，係一齊工作好自然一齊。」洪卓指自己與湯怡同是悶人，可以一齊去旅行已經好開心，他說：「最深刻一次喺屋企整燈飾，黐成一啲圖案畀驚喜佢，佢見到都喺度喊。」
from:http://hk.apple.nextmedia ... 151219/19417845

TOP

6^# 大中小 young 發表於 2015-12-30 01:17 發短消息

洪卓立防狼器贈湯怡

洪卓立（Ken）昨日到天水圍出席活動，透露女友湯怡聖誕後要到杭州拍戲，所以就打算送防狼器同門鎖畀女友，佢話：「因為佢今次冇助手陪，所以就想送畀佢傍身。」Ken又稱女友相當怕鬼，偏偏今次要拍鬼片：「佢要拍個幾月，已經準備咗啲佛經畀佢。」
from:http://hk.apple.nextmedia ... 151227/19427913

TOP