吳君如日前在電台節目中指欄王劉翔「食咗屎」而遭外界狂轟，前晚她返回電台開咪，直播時收起平時嬉皮笑臉，公開以普通話向劉翔道歉，更聲稱會改變陋習，不再信口開河，嘗試三個月，若收聽率下跌或自己做得辛苦，便索性劈炮。
一向口多多的吳君如日前在錄播的商台節目《嘩！嘩！嘩！打到嚟》中，指欄王劉翔在京奧比賽當日「食咗屎」，雖然她即時道歉，但又誠意欠奉，結果惹來外界狂轟。日前君如由泰國返港，前晚返商台開咪，她約11點半駕車返電台，記者上前影相時，她面露笑容，但沒有停下，直接駛入電台急腳返直播室，不過在節目中君如終於認衰，公開向劉翔道歉。
「呢幾日度日如年」
前晚君如謂不會再叫王貽興（右）及阮子健做蛋散或死蠢。 資料圖片
君如在節目開始不久便說：「上星期五我講咗一句15秒嘅碎嘴，第二日全港報紙C1，我好愕然，諗番過15秒係乜嘢，而家應該好誠懇咁對唔住，我向劉翔講對不起。」其中君如特別以普通話說「對不起」三個字，她一再強調自己並非想批評劉翔，只是無心說了句不好笑的爛gag 。她說：「呢幾日度日如年，好辛苦，我做節目都係想人聽得過癮，所以以三姑形象出現，就好似屋企人咁乜都講得，諗乜就爆出嚟。」主持之一阮子健說：「三姑節目係咁，一張嘴兩個蛋散，四面受敵。」君如聞言收起平日嬉皮笑臉模樣，正經地說：「嚴肅啲，收起佢，啲人睇新聞多過聽收音機，通常報道都唔會寫我情緒，唔會有上文下理，只係抽一句嚟寫，啲人睇咗就以為自己真係咁嘅人。」
「唔再講屎免麻煩」
之後君如謂想到兩個方向，一個是不做主持，王貽興指她此舉是「斬腳趾避沙蟲」，君如說：「收番、嚴肅啲，如果咁做就唔係君如，十年嚟都食咗唔少死貓，一年都十幾次。另一方法就係轉方向，唔會再有三姑，唔再話王貽興係蛋散，阮子健唔再係死蠢，唔再講屎，免卻麻煩，希望大家唔好轉台，試吓三個月先，但如果收聽率跌，或者自己辛苦就唔做，到時電台都會叫我走。」不過吳君如強調自己並非認輸，只想以嚴肅主持節目。採訪：何永寧、何慧斯攝影：葉君海
吳君如前晚親自駕車，如常返電台主持節目，但並未回答任何提問。
http://appledaily.atnext. ... art_id=12162213
