我確信天真不會錯……
阿嬌成日放料話會復出，但上年10 月佢被影到單拖逛利園商場，狀態依然好憔悴，幾時見得人真係冇人知。《忽然1 周》圖片
藝人淫照事件唔經唔覺一周年（1 月27 日），鍾欣桐（阿嬌）因為一句話自己：「當時好天真，好傻。」博唔到同情之餘事業仲即時插水。
D-mop 老闆Rocky 都係1 月生日，同阿嬌一齊搞生日party 。
Penthouse Sky Lounge 因為有間可以容納30 人嘅VIP 房，又有歌唱，所以唔少圈中人都鍾意響嗰度開生日P ，FBI 都響嗰度開過P 㗎！
Edison 風騷
大家都係淫照主角，陳冠希回復得就快好多，農曆年前發放咗一張響美國同農夫合照嘅相，Edison 面色紅潤又肥咗，難怪俾人話佢心郁郁想出山啦。
FBI 就收到風，上個月阿嬌28 歲生日連搞四場生日party ，其中一場係同同佢差唔多時候生日嘅D-mop 老闆Rocky Fok 一齊響灣仔Penthouse Sky Lounge 開生日P ，心情勁靚嘅阿嬌仲即場點唱佢曾經同Boy'z 合唱過嘅〈死性不改〉。
，呢首歌係FBI 老友嘅飲歌嚟，所以FBI 倒轉都識背歌詞㗎，其中一句：「我確信天真不會錯，威力會移山填海。」仲有：「來煽風來點火就擊倒我麼？」加埋：「死性我不想改……」經過咗一年阿嬌點諗？唔使講啦！
[
本帖最後由 young 於 2009-2-3 20:38 編輯 ]
