30"高×15"闊
Chrissie 半身咕
以人造皮製成，攬落絕對滑溜有手感，會於2 月中在潮邦網站開張時接受訂購，限量150 個，定價暫定$450 。
08 年，
模當道；09 年，梗係乘勝追擊！
繼女神Angelababy 、邦民妹Kama 進軍日本後，32D 性感新icon Chrissie （周秀娜）都趕在新正頭出招。被睇中做世界性潮網「潮邦」代言人，仲預告會推出1 比1人形咕
益宅男！
只聞樓梯響，激sexy 人形咕
造型一直是秘密，本週終於喺《FACE 》首曝光！袋10 萬酬勞就可以俾人搓圓攃扁攬住訓，Chrissie 一啲都唔介意：「肯除都要有人肯睇至得，我覺得好自豪！」
除咗五官酷似黎明嫂樂基兒，Chrissie 勝在23 歲後生過Gaile 一截，兼且唔使僭建就有32D 上圍，出道短短年多，拍戲、做舞台劇、出tee 、行騷密密做，最緊要連內衣、比堅尼騷都絕冇托手踭，自然成為宅男恩物。牛年打響頭炮，Chrissie 擊敗一眾所謂女神，被本地潮人力捧做潮流購物網站代言人，仲會喺2 月中網站開張誌慶，推出限量嘜頭產品，宅男最期待，莫過於迫爆bikini 1 比1 人形咕
。
Chrissie 以書谷咪做潮流網站代言人，仲會推出嘜頭谷咪tee ，限量180 件，售價約$400 。
人盡可攬
樂基兒有黎天王包養，即刻收埋唔敢露，連陳年性感相都話要買斷洗底，反而
妹Chrissie 就放好多：「啲相影得靚最緊要！講真，好多人肯除都要有人肯睇至得，我覺得好自豪，我樣貌未算最靚，但身材比例就好proud of ，人形咕
一出，我第一個認頭留畀男朋友。因為自己工作愈嚟愈忙，佢都有啲投訴我唔得閒陪佢！」
扮醜都得
行得性感，Chrissie 亦肯蝕底扮醜，在彭發電影《玩大咗》中就扮騎呢箍牙妹。
長毛男友
拍拖2 年髮型師兼model 男友Avis 唔反對女友行性感，Chrissie 亦唔介意經常拖男友出街晒恩愛。
胸降台男
家陣氣勢勁，09 年全年大計，Chrissie 亦一早plan 定，上半年主打拍電影，4 月就會束胸扮TB 同王祖藍擔正拍阮世生電影；書展推出嘅寫真會喺塞班島取景，據悉性感冇底線，極有可能以無上裝作賣點；下半年就搭定路接拍台灣偶像劇。慰宅男都要顧吓自己條仔，今個新年Chrissie 特別向經理人公司嗱假陪男友去泰國旅行：「我對男朋友同自己都有信心，我覺得而家愈少見，兩個人感情反而愈好、愈珍惜見面嘅機會。不過年尾去台灣拍劇一走幾個月，男朋友最擔心我同賀軍翔拍對手戲，因為呢種高大靚仔又長頭髮嘅男仔我最冧啊嘛！」
睇嚟同男友打風都唔甩，迷戀Chrissie 嘅電車仔真係要買多兩個咕
打孖嚟先掂！
07 年頭Leah Dizon 開先河喺自家blog 上發售2 千個限量版嘅1 比1 兔女郎造型攬枕，售價1 萬6 千日圓（約1,400 港元）咁貴，㗎仔都爭住買。
Cup 水著女星星野亞希，上年亦跟風出等身大比堅尼造型吹氣攬枕，賣7 千日圓（約600 港元）勝在夠平，3 個月內賣出4 千個，比Leah 多成倍。
㗎星創先河
喺香港Chrissie 就做先鋒出1 比1 人形攬枕冧fans ，其實呢種促銷人氣手法，兩年前喺日本性感爆紅嘅Leah Dizon 已率先搶飲頭啖湯，網上限量出售2 千個，3 日已賣斷市，㗎仔fans 仲話抱住個攬枕就好似攬住偶像訓覺一樣咁sweet ，難怪一班水著師姐如星野亞希等都有樣學樣。
模書展鬥大
舊年書展，新人趙碩之以36D 驕人上圍推出寫真《趙碩之夏》大賣2 萬本，成為書展賣書女王。來年Chrissie 、邦民女Kama 都話會拍埋一份，宅男有福了。
32B Kama 20 歲
Kama 都會出寫真，佢話會喺日本取景：「而家傾緊日本發展細節，本寫真都會喺日本拍，用當地班底製作，尺度會無上裝㗎！」
36D 趙碩之22 歲
趙碩之係上年寫真大贏家，今年會加碼再出擊，不過好多細節都懶神秘：「舊年好成績，今年公司都計劃加碼製作，尺度亦會再突破，不過細節，就梗係秘密啦！」咁神秘有咩橋呢？
32D Chrissie 23 歲
Chrissie 自稱性感冇底線，仲預告今年夏天本寫真會挑戰極限：「已經傾咗塞班旅遊局贊助去當地拍寫真，底線？冇㗎！靚就得㗎啦！」各位又要破財咯陰功！
金城武
言承旭
賀軍翔
愛長毛
下半年將會去台灣拍偶像劇，原來Chrissie 都煲開台劇，長毛高大台男仲絕對係佢杯茶！
最想嫁︰金城武
「唔只想拍拖，直情想嫁畀金城武，佢又有日本血統，生出嚟BB 都靚過人！」
最想攬︰言承旭
「睇《流星花園》鍾意佢，覺得佢身形好好，攬住訓一定有安全感。」
最想咀︰賀軍翔
「睇《惡魔在身邊》最冧賀軍翔，個樣壞壞哋，但又好深情，真係幻想過俾佢咀。」
