八大小花輪流獻技，谷胸露腿大跳肯肯舞，就算拍子跟唔足，最緊要係香艷性感夠睇頭。
上個星期二（一月二十日），無線喺尖沙咀舉行《華麗翡翠星力量》，安排全台小生花旦盛裝赴會，同廣告客戶聯歡。
任總一早預警，第二波海嘯可能仲難捱，無線為咗留住客仔歡心，女藝員奉命低胸又露背，上台表演露底拋胸，使出渾身解數。
最精彩演出，莫過於一眾長腿好波小花，表演短裙版「肯肯舞」，裙下春光掩掩樣樣，兩位「咪神」徐淑敏同胡定欣，仲玩埋曲腳露底側手翻，乜都睇晒！
台上小花落力演出，無線高層一樣兩頭忙，尤其係樂易玲，嗱住酒杯四圍同客戶劈，開騷無耐已經面紅紅，達標要緊，無計！
徐淑敏（粉紅）與胡定欣（黃）輪流打側手翻，臨時拉伕打到走晒樣兼走晒光，始終最拿手打側手翻嘅係Twins 。
不斷過枱祝酒嘅樂易玲，好快已經面紅耳赤。
除咗肯肯舞，吳家樂同湯盈盈都有表演拉丁舞，可惜吳家樂一時錯手，拉起湯盈盈條裙腳都唔知，靚股任睇。
