色情電話公司內，十五歲的文文（紅間條衫）與穿了校服的YY ，正一齊與客人大玩3P 色情電話遊戲。
本港失業數字持續攀升之際，一班港女以天賦本錢找到求存之道，她們並非出賣身體，而是出賣聲音。
經濟愈見低迷，報章上的色情電話廣告卻愈多，鹹濕佬都躲在家中消費，使這一行反而異軍突起。
色情電話公司內也滿是失業中女及失學的未成年少女，以淫叫聲每分鐘賺錢。剛因U-right 結業而加入Line 女的阿May ，則更視之為終身職業，從此不用擔心被無情裁員。
「我哋仲係心理輔導員，幫其他人解開鬱結。」line 女阿May 說，淫叫幫了人也幫了自己。
色情電話廣告多如牛毛，也吸引了不少港女投身該行賺錢。
玩line 公司提供了數頁寫滿淫穢字句的稿，放在工作枱上，以供line 女照稿讀來冧客。
報章最近多了色情電話廣告，也同時多了請電話服務員的廣告。記者跟指示到了屯門一間玩line 公司佯稱面試及試工，希望藉此一窺玩line 公司如何「幫」到一眾失業港女。
該玩line 公司位於屯門一座工貿大廈內，公司的門口並沒任何招牌，淫叫聲卻隱約傳了出來。推門而入後，八百多呎的單位卻很有住家的味道，牆邊有雙人床及一些家電設備，空氣中還有剛吃完飯的餸菜味道，地上也橫擺住拖鞋及毛公仔等，一個四十多歲的女人和兩個十多歲的少女，分佔不同角落，對住電話發出銷魂蝕骨的淫叫聲。
淫叫也要體力，阿May 枱頭放了一幢杯麵，以便供她返通宵更食用。
U-right 被清盤後，阿May 被迫下海當line 女，每日淫叫數小時，才有空檔休息吃飯。
分分鐘賺錢
四十多歲的女老闆Kitty 住記者填寫一份簡單履歷後，便催促記者盡快上班，「最好依家開工，我哋長期缺人手，最近雖然多了人見工，但早晚兩班都仲係唔夠，你聽吓電話係咁響就知。」廿四小時都在公司內坐鎮的Kitty ，坦言以公司為家，並歡迎其他同事以她為榜樣：「呢度有床，做到攰可以休息吓，呢份工好自由，話就話早晚兩更制，但公司歡迎同事加班，有能力嘅踩晒兩更都無問題㗎。」
除了數張擺了多部電話的寫字枱外，單位內還間了數間房，「我哋玩line 公司傾啲乜妳都知㗎啦，如果同客人傾電話時怕尷尬，咪入電話房傾囉，不過呢度全女班，做熟咗根本唔會尷尬，怕到時叫得最淫最大聲嗰個係妳……」
她說客人玩line 的消費是每六秒一元，而全職line 女除每月底薪千五元及勤工獎五百元外，每一分鐘的電話傾談費，line 女可拆回$1.2 ，若每月做到三千分鐘，之後每一分鐘可拆回$2.4 ，可謂分分鐘都有錢賺。
Kitty 見記者聽完薪金的計算方法後還滿面疑惑，她即指住正在工作的同事說：「暫時呢度年紀最大嘅阿May ，佢每個月都最少搵九千蚊啦，最細十五歲嘅文文，佢係最紅line 女，月入過萬添。呢度仲有一個六十五歲嘅line 女，佢把聲喺電話絕對唔似咁大年紀，加上經驗老到，好識得引導話題，多熟客點名搵佢㗎！不過呢排近過年，佢少咗上來開工。」
Line女每日開工前，要熟記自己的身份名字，通常一人分別扮演七至八個人的角色，有時甚至趕潮流，會改名叫慧敏、張茆或JJ 等，不同電話號碼均有不同代號。
U-right 前員工下海
記者被安排坐在阿May 旁邊，阿May 很熱情地向記者講解工作上的細節，並道出自己以淫叫求存的經歷。
原來阿May 之前任職已破產清盤的U-right 連鎖時裝店，前路茫茫下加入了這一行，「我喺U-right 做咗四年幾，原本以為大公司穩穩陣陣，見公司由幾間分店擴充至近百間分店，仲以為一片好景。點知而家連欠薪仲未追討到，失業後，個人好迷惘，雖然以前任職過金融界，仲考過有關嘅商科證書，但始終年紀大，唔易搵到人工同以前差唔多嘅工。」卒之，她把心一橫，在上年十二月初，到上址任職line 女，「我仲係單身，唔怕有老公仔女知我做呢行，而且以前後生都玩過line ，唔覺份工有乜唔妥，呢份工幾好呀，我每日買定零食杯麵返嚟開工，自己做自己嘢，無人話你，又無辦公室政治……」
連續工作廿小時，Line 女文文再陪男友拍拖，結果支撐不了倦極而睡。
色情電話公司總部設在普通的工貿大廈內，文文下班離開，也有男友在門外等候。
怨婦最受歡迎
雖然年齡大，但阿May 自誇比一般
妹仔優勝之處是她夠成熟，其中以扮演怨婦最受客人歡迎，「怨婦係最受歡迎，因客人多數是三十至四十幾歲男人，佢哋鍾意偷食人妻feel ，需要多少人生經驗，我扮就最啱。」說完不久，阿May 便接到一個熟客來電，她也即時投入角色，「係囉！我老公出咗去唔喺屋企，好鬼悶……成日一個人訓，我而家好似煎魚咁，喺張床碌嚟碌去訓唔住，你不如入來我間房呀！」阿May 一邊搖頭呻吟，一邊以手勢示意記者不要怕，並觀察她的技巧。
「鬼殺咁嘈」完事後，阿May 收線繼續對記者說，成熟女人還有個好處，就是能安慰男人，特別自己經歷過人生苦痛，知道說什麼話最適合。「唔係個個客人一定要玩phone sex ，有啲傻佬打上嚟哭哭啼啼傾心事，有人被裁員亦有人炒燶股票，當我好似白韻琴咁。通常男人唔會向老婆訴苦，怕俾老婆睇小，有苦自己知，所以好想搵其他女人傾訴，講完心事又可以講吓鹹濕嘢，成個人鬆晒，好多人收線之前仲多謝我。」
由於不受色相及年齡所限，阿May 說已視line 女工作為終身職業，「靠把聲可以做到老，咁以後就唔怕裁員或公司倒閉，最緊要係自己儲到班客仔。」
玩line 公司內，成人雜誌隨處可見，因這些是幫助line 女冧客的有用參考資料。
十五歲
妹玩3P
初以為扮怨婦的阿May ，其呻吟聲是全場之冠，但原來呻吟聲叫得最大及最頻密，竟是一對十五歲少女文文及YY 。
讀至中三輟學的文文，由於年紀輕，一直找不到工作，而Kitty 是她的表親，故文文已在玩line 公司任職了大半年，至於穿住校服來上班的YY ，則是趁學校考試期間來玩line 公司任兼職line 女。
她們雖是年紀輕輕，但工作表現不比阿May 及其他同事遜色，她們甚至共用一個電話聽筒與客人大玩3P 遊戲，以增加客人找她們的機會。
「坐喺度傾電話就有錢收，又不用出去援交咁cheap ，而且比起成日要企啲sales 好好多啦。」YY 更說，幸好學校有普通話課程教授，她有時扮台灣妹也大受客人歡迎。
「你介紹自己時千祈唔好口窒窒，否則人哋會覺得你作嘢，講大話，最好事先諗定啲吸引客人嘅職業，例如空姐、教師，呢啲行業特別受歡迎。」在旁的文文也加把口，不斷分享自己經驗。
「妳咁細個，邊有咁多性經驗同人客吹呀！」記者特意問文文。
「我男朋友都有幾個，性經驗唔少得過你，而且為咗工作，我返屋企會煲AV 碟㗎。加上有啲麻甩佬就係要人純情，扮乜都唔識就仲好。」
老闆娘Kitty 在公司接受記者訪問時，起初否認一切，後在電話中才承認自己是玩line 公司的主持人。
外形肥胖的Kitty ，玩line 工作經驗豐富，她甚至會親自教導員工如何發出誘人的淫叫聲。
文文更爆出不少客有變態要求，就是要她扮演女兒，並在電話中不斷哭叫不要脫她的衣服，不過Kitty 對此卻不以為意，並說：「社會有我哋呢份工，就分擔咗客人心理不平衡，幫佢哋即時發洩咗，就減少真係有可能發生的強姦、非禮及亂倫等案件。」
她們更說淫叫是女性天生的本事，其實不用多學，但如真的不懂，公司還有成人雜誌供員工增加靈感，也有一張寫滿淫褻字句的稿，供員工「腦塞」時照讀來冧客。
「我夠未玩過3P 啦，咪一樣叫到啲客冧晒，加啲幻想囉，呢行幾好呀，我預自己起碼做到七十歲㗎。」掛住兩個黑眼袋的文文，和YY 同時嘻嘻笑了出來。
記者接通其中一個叫阿John 打來的電話，於是好奇問他沉迷玩line 的原因，他解釋說，上網看成人資訊及電影已看到厭，若去嫖妓，他既沒膽量、怕染性病及覺得太花金錢和時間，玩line 似是他唯一宣洩的出路。「雖然都要使錢，但可以控制到，而且好方便，屋企無人就可以玩。有把聲同我對答，再配合自己幻想，嗰種感覺都幾high 㗎……」他更補充說，有時自己不想和家人談心事，也可以向line 女傾訴，每月大概花一千元，當作解悶。
YY 開工前，正看住上一更同事留下的字條，這樣可以繼續扮演人客要求的角色。
金融海嘯生意好
本週一，記者直踩上玩line 公司採訪老闆娘Kitty ，起初她一直否認上址是玩line公司，並說文文是她的親女兒及不是在上址做line 女。事後，記者還接到自認是玩line 公司負責人的粗口電話，並住記者不要披露該公司的經營狀況，否則後果自負。
但其後Kitty 再重新致電給記者，承認她是玩line 公司的主持人之一，而該公司已開設了十數年，最近生意忽然興旺起來，「八十年代尾，九十年代初，興玩173 成人電話時，我哋已經開業，當年係最搵錢，平均每月純利過十萬，高峰時，連喺屋企開工嘅part-time line 女，總共有近二百人，依家就大約有八十人。金融海嘯後，呢行反而有復蘇跡象，因客人少咗出街玩，但又忍唔到心癮，所以玩line 囉。另外，失業率高，造就咗請人容易，所以呢行同經濟環境好壞呈反比。」
Kitty更說，為了防止line 女撬客及甚至約出街交易等，公司是會監聽line 女與客人對話，發覺違規者會即炒，「成間公司，最花錢就係套電腦系統。另外，就係同電訊公司拆賬，本地最大電訊公司要每分鐘五五分賬，其他電訊公司會同我哋公司七三或六四分賬。
「其實我哋都幫了好多失業港女，又減少啲男人出去滾，都算係造福社會呵！」Kitty 最後也不忘加一句。
著了校服返工的YY ，放工後，步往輕鐵站乘輕鐵回家。
十五歲line 女犯法
老闆Kitty 曾再三要求記者不要披露文文的真實年齡，因她怕勞工處控告她聘請非法童工，其實，本地勞工法例只是不容許僱主聘用不足十三歲的童工，但梁永鏗律師表示，十五歲line 女，以淫穢談話內容與客人對話及從中賺錢，當中可能已觸犯《防止兒童色情物品條例》，「因呢條條例中，未滿十六歲都當係兒童，而條例中所謂『分發』及『色情描畫』嘅含義係好廣，當中有無包括色情電話內容，呢點就要由法官裁定啦。」
