余文樂前晚到尖沙嘴出席活動，早前被台灣選美代表徐千惠指他力追她，與徐千惠素未謀面的樂仔頻呼「離譜」。同場嚫界女神Angelababy 出道一年多，人氣強勁，廣告及工作量急升。她前晚透露新年終可休息，更會封幾萬元大利是，報答雙親照顧，更會首次去男友陳偉霆家拜年見家長。
本地名店I.T 尖沙嘴新港中心的專門店重開，前晚請來謝婷婷、Angelababy 、周麗淇、余文樂、徐濠縈及黃偉文等一同主持開幕禮，周麗淇穿A.P.C.白色斗篷，大開側門，她說：「我有打喱士底，露腰仔啫，平時都唔會著，fashion 就可以sexy 啲。」
周麗淇愛時裝不介意露腰，但她謂未有膽量創業。
A.P.C.白色斗篷$3,299
「唔知佢係乜人」
台灣選美女郎徐千惠上周自爆被余文樂力追。資料圖片
余文樂近日惹緋聞，2008環球皇后的台灣冠軍徐千惠上周自爆正被余文樂追求，更指余文樂用電話攻勢力追，樂仔前晚否認認識徐千惠，頻呼事件離譜，他說：「我知道呢件事，朋友講都好奇怪，我直情唔知呢個係乜人，太離譜，見過面都可以講，根本冇見過，呢個誇張程度真係好離譜。」很嬲？樂仔說：「少少，太離譜，完全未見過佢，都唔想見。」此外，Angelababy （楊穎）去年強勢出擊，做個不停，她揚言新年終可休息一星期，她說：「而家未收爐，仲有少少job 要做，新年有一個星期假，由年三十休到初六，可以去旅行玩，會同家人同女仔朋友一齊去，去熱帶地方。」
Angelababy 見家長
謝婷婷、徐濠縈和黃偉文等一班型人潮女一同為I.T 主持開幕剪綵。
問Angelababy 可是包團請父母？她說：「唔係，仲係爹哋媽咪畀錢，希望下年會請得到佢哋啦。不過，我今年會封5位數字嘅利是畀佢哋，佢哋好錫我，之前我好忙，佢哋又幫我執屋，又煲湯畀我飲，真係好感激爹哋媽咪。」問她新年可會到陳偉霆（William ）父母家拜年？她說：「會去William 屋企逗利是，同佢父母拜年，我都未見過佢哋。」採訪：Law Wai Man攝影：Chan Shun Ching
余文樂前晚稱並未見過徐千惠，對傳緋聞頻呼離譜。
http://appledaily.atnext. ... art_id=12118224
