吳君如去年重返商台開咪，今年又與錢嘉樂合作《星星同學會》，勁爆老友私隱，夠晒話題。
據知最近成為君如愛將的王貽興，原本承蒙君如睇住，有份分個《星星同學會》主持撈吓，點知最後俾陳總嫌性格古怪叮出局，俾錢嘉樂冷手執個熱煎堆。最慘錢嘉樂勁出位，書僮變主角，君如火都嚟。
嘉樂仔今鋪出位招妒，收斂啲穩陣喎。
口撐貽興
早前《星》開鏡拜神時，吳君如同錢嘉樂唔多有交流，問到君如點睇王貽興怪怪哋時，佢即刻幫口：「唔係，上次我上《志雲飯局》，問陳志雲做乜唔簽番王貽興，陳總話佢唔鍾意做宣傳，鍾意做番作家，怪怪哋啫。」
拖孖男
現年43 歲嘅吳君如去年11 月搵埋兩個靚仔，商台富貴DJ 阮子健（左）同王貽興做《嘩》，食慣好嘢，面對錢嘉樂又係差啲嘅！王貽興於電話回覆：「由頭到尾都冇搵我，我亦都冇睇《志雲飯局》唔知Stephen 話我怪。」
現年30 歲的無線棄將王貽興，有傳才子去年同無線傾續約時條件多多，最終俾無線放棄，好在佢冧掂君如埋堆做商台節目《嘩！嘩！嘩！打到嚟！2008 》，事後仲要得戚話：「做電台係我自細嘅夢想，所以覺得好光榮！」
嫌貽興怪
據知《星星同學會》計劃初期，由君如拍住愛將貽興王主持，點知過唔到無線總經理陳志雲嗰關，知情者說：「嗰陣君如提議王貽興做，當時負責搞呢個節目嘅高層余詠珊（無線收費頻道前總經理助理）都ok 咗做㗎，係Stephen （陳志雲）出聲話佢份人性格怪怪哋，又唔願做宣傳，最後Stephen 推舉嘉樂仔做！」
反應太快
愛將入唔番屋，最慘係嘉樂仔反應超快，識得窒君如，又識講吓爛gag 搶到鏡，下把變主角君如先最火，知情者續說：「君如最鍾意做主導，以前鄒凱光同家陣嘅王貽興做商台節目都可以任佢舞，點知家樂仔反應超快，成個騷嘉樂仔講嘢仲多過佢，佢梗係唔多滿意啦！」上週五（16 日）君如錄影節目時，被問到本來想搵王貽興做拍檔一事，君如即話：「我冇提議過喎！又係貽興？唔好啦，好悶啦，家樂最好可以搶過我，最緊要有火花啫。」
而錢嘉樂對於王貽興被指怪怪哋失寵唔多肯講，不過就識勁擦「提
」佢入局嘅陳總鞋。
F ：《FACE 》 錢：錢嘉樂
F ：邊個搵你做《星星同學會》？
錢：公司安排啫！
F ：聽講王貽興先係第1 人選！
錢：咁大家都係做創作嘅，心目中可能有幾個人選，第2 、第3 都好啦！冇所謂！
F ：但係陳志雲嫌王貽興怪，先點名要你做！
錢：咁就要多謝陳生啦！至於人哋點怪我就唔講啦！
F ：你響節目度搶鏡過君如，搞到佢唔開心喎！
錢：冇可能！點會呢？我哋都唔係第一次合作啦！
嘉樂仔反應快，對答又咁大體，應該好快做陳總第二樽「蜜糖」。
我最大成就就係好早冇讀書，幫阿媽慳到錢！
我見過人咀呀，戲院又有，大巴又有，旅遊巴都有咀。
轉數快閒變莊
講爛gag
錢嘉樂鍾意響節目勁講爛gag ，做閒角都爆肚，今次難得有機會擔正，梗係勁搵位攝，好似第二集謝安琪話自己首歌〈亡命之途〉講亡命小巴好難有得咀，錢嘉樂即時狂爆爛gag，君如完全搭唔到嘴。
謝安琪點響男人堆打滾？
成個80 年代咪係得你一個走得出佢（譚詠麟）手指罅囉！
阿Kay 唔係啲咁嘅人，佢冇呀！
開口寸
君如一向出咗名要面，口臭錢嘉樂又有位即時入到正一正，好似吳君如話謝安琪要響男人堆打滾，錢嘉樂即時糾正話：「阿Kay 唔係啲咁嘅人。」好大膽！
港版
台版
小S 主持的節目好興響播廣告前講少少下part 內容，再用個密字遮住把口引你睇，網友一眼睇出。
君如扮小S ？
唔少網友都話君如想做翻版小S ，其實君如講嘢內容同大膽言論係咪抄人好難講，不過《星》連人哋整蠱嘉賓嘅字樣同配樂都跟足，難怪啲人話君如想扮小S 嘅。
04 年吳卓羲同官恩娜拍《酒店風雲》撻著，官多次被影到出入吳於將軍澳清水灣半島寓所，其後又傳出吳嫌官死纏，兩人不歡而散，官恩娜爆少少算畀面啦！
官恩娜出名電力足，入行多年除咗吳卓羲同房祖名之外，記得嘅起碼仲有富家子陸恭和，不過佢響《星》中表示自己只係拍過兩次拖，善忘啲喎。
揭
羲低招
在第二集《星星同學會》中，官恩娜自爆拍拖經歷，話自己入行前發現男友偷車，另一位女友兼藐爆扱線！又話入行後有一男子帶佢去隱秘地方吹海風俾警察踢爆話：「乜又係你呀！」，據知兩件
事均是出自佢前男友吳卓羲之手，官恩娜口密唔開名算有品囉！
房祖名當年真係想yo 官恩娜，可惜鄭融口疏，官同佢擘面，之後鄭融改埋薛凱琪堆。
鄭融靠害官恩娜
官恩娜稱自從同房祖名04 年約會睇周杰倫演唱會被報紙踢爆後，驚俾人話放料搞到唔敢再搵祖名。但據知當年官恩娜其實並唔係放料人，知情人士說：「其實當年房祖名真係想追佢先約佢去睇演唱會，成件事官恩娜淨係講過畀鄭融知，點知有人口疏爆咗料，之後官恩娜同鄭融都冇朋友做。」食足咁多年死貓，官恩娜都算慘情。
