士多啤梨蝦球甜酸開胃，蝦又脆身，像小吃般吸引。吃一口，再喝澳洲Tapestry 有氣紅酒，Merlot 香遇上士多啤梨，變成甜蜜的雞尾酒。
新年新希望，鼠年唔如意，可以寄望牛年牛市有運行。話明要送舊迎新，團年春茗就一定要有新意。
新開中菜館百花齊放，各有特色。以豪裝作招徠之外，又有私房餐廳主打中菜配酒宴。新瓶新酒有噱頭，舊瓶新酒也創意十足；幾家高質酒家，不執住傳統，創新水果入饌、賀年點心。有新意之餘，最緊要係一樣有意頭！
清酒太白蜆滾住上，開口即食，鮮甜無比的汁爆滿口。Stephen 另外提供新鮮清酒，讓客人噴在蜆上，口味由鮮變香。配清淡的Anakena Sauvignon Blance 07 ，這頭盤認真清新。
鮮百合、鮮腐竹、蜜豆炒雜菇十分清爽的一道菜，菇香豆甜，淡淡的很滋味。配上白宮宴客都用的Merryvale Starmont Chardonnay 05 ，更突出木桶高貴香氣。
蟹皇桂花魚蟹膏鋪滿整條桂花魚，甘香鮮濃。配智利Cremaschi Furlotti Reserve Pinot Noir 06 ，較輕身，絕不搶味，讓膏與酒的餘香更長久。
沈老太肉餅是Stephen 媽媽的拿手菜，肉餅加入九龍吊片和鹹蛋黃，肉味香卻沒有多餘的鹹。配上強烈的Tapestry Cabernet Sauvignon 04 ，果香更突出。
新年要開心，最好有酒助興。中菜變化多，配酒本身有難度。想學西餐一道菜配一款酒？最好交給鬍鬚伯伯代勞。
本來在柴灣工業大廈開私房菜的Stephen ，因為留了二撇雞，人稱鬍鬚伯伯。他最近將私房菜搬到鯉景灣的地面鋪，環境更開揚，仲有埋wine shop 內的貴賓室。Stephen 經營葡萄酒十多年，更代理著名奧地利水晶酒杯Riedel ，熟悉以對的杯喝對的酒。加上經營私房菜多年，中菜配酒更是專家。
為團年春茗設計的9道菜套餐，配上9 款酒，有紅白酒外，更有有氣紅酒和甜酒。菜式很有私房家常風味，尤其一道沈老太肉餅，最出色。而Stephen 建議吃每道菜前，先喝一口酒，嘗原味後，再品味菜式襯托出的香氣。似乎葡萄酒才是主角，嗜杯中物，這餐絕對啱心水！
團年春茗（須4 位起）
$350/ 位（包非酒精類飲品任飲）、
$600/ 位（配9 款葡萄酒）
笑口常開（清酒太白蜆）
寶鴨穿蓮（蓮藕煲鴨湯）
八仙會聚慶新春（鮮百合、蜜豆炒雜菇）
鴻運當頭（士多啤梨蝦球）
金池塘（蟹皇桂花魚）
發財好市（髮菜蠔豉）
金雞報喜（爆炸脆皮雞）
金玉滿堂（沈老太肉餅）
黃金滿屋（黃金十八歲）
家家戶戶慶團圓（生磨合桃露湯丸）
風生水起（時令水果）
鬍鬚伯伯
地址：西灣河鯉景灣太康街35 號GC24 至26 號鋪
電話：2967 6764
營業時間：12:30pm-2:30pm / 6:30pm-11pm
泊車：嘉亨灣$12 / 小時
