好肚餓呀！（真實對白）
國家隊運動員上週二（一月六日）一行三十二人訪港出席慈善籌款活動，霍家未來媳婦郭晶晶成為焦點，幾乎每次出現，身邊都有六、七名保鏢護駕，相比起其他只有一、兩個保安的運動員，排場贏足九條街。
訪港團四日行程緊密，當中還要出席多個商業活動，不過，報稱患上感冒的郭晶晶，連日來在早上的活動均唔見人，令有關贊助商大為不滿。
郭晶晶連日來每次出現均會有多名保鏢護航，排場十足。
郭晶晶上週四缺席早上的活動，下午剛訓醒，她施施然由保安陪同到達壽司店醫肚。
起唔到身
據了解，有關贊助商今次邀請一班國家隊運動員出席活動，郁吓都使過百萬元，偏偏陣中最有叫座力的郭晶晶頻頻甩底，令贊助商大為不滿。
「贊助商嗱出嘅錢，有部分係捐去李寧基金會，筆錢主要係用嚟資助二、三線運動員嘅收入，同霍家公子拍緊拖嘅郭晶晶朝朝都起唔到身，部分贊助商好唔滿意，好似有一朝大隊會去米蘭站，佢一樣甩底，大會咪臨時拉伕，搵咗劉璇去頂替佢，搞到連妝都冇時間化嘅劉璇黑晒面。」知情者說。
上午缺席米蘭站的活動，但同日下午，已經抖足精神的郭晶晶就有現身尖沙咀板長壽司，校岩晒嘅時間，食史上第二貴的日本吞拿魚王。
郭晶晶、吳敏霞及何沖等較有知名度的運動員獲安排在貴賓房用餐，其餘運動員則坐在大廳。去年奧運後來港，被本刊拍到在酒店等
期間除鞋捽腳傾電話後，郭晶晶多次被批評無儀態，今次她明顯加強戒備，在餐廳用餐時，一見有閃光燈就即時擺低雙筷，避免食相入鏡。
郭晶晶上週四（八日）早上缺席米蘭站活動，劉璇一早被大會摷醒臨時頂替出席活動，毫無心理準備兼冇化妝的她全程黑面。
周麗淇上週應壽司店老闆（Ricky ）邀請品嘗大間藍鰭吞拿魚，席間體操金牌選手李小鵬及其未婚妻亦上前邀她合照，令她興奮不已。
中國運動員基金會主辦的中國跳水隊及花樣游泳慈善匯演在九龍公園舉行，霍啟剛更親自到場為女友郭晶晶打氣。
郭晶晶與體操王子李寧出席「中國運動員教育基金慈善晚會」記招時不時交頭接耳交談，非常好傾。
一眾運動員到米蘭站出席活動後，獲贈店鋪自家出品的MS 手袋，圖中為吳敏霞所獲贈價值$2,980 的紅色手袋。
郭晶晶去年奧運後訪港，在下榻的酒店等
時脫去皮鞋，赤腳站在地氈，繼而捽腳趾傾電話，儀態盡失。
晚晚去玩
「郭晶晶一到餐廳已經嗌肚餓，雖然口口聲聲話唔舒服，但胃口不知幾好，望住條價值八十幾萬嘅巨型吞拿魚，又摸又聞。壽司店見佢咁有興趣，即刻整咗碟最貴嘅極品吞拿魚腩壽司俾佢食，其他坐喺大廳嘅運動員，就冇份食呢條魚啦！」知情者說。
對於郭晶晶頻頻甩底唔現身早上活動，有同行運動員踢爆她夜蒲。「可能佢夜晚出去玩冷親，加上唔夠休息。其實今次大家都係義務性質出席活動，國內仲有好多運動員好艱苦，莫講話金牌同銀牌嘅運動員收入已經分別好大，有嘅名次更低嘅，每月收入可能只得一千元，已經成名嘅，唔可以淨係諗自己。」
