掃貨掃到手軟，霍啟剛要嘆番杯咖啡提神。
上星期郭晶晶隨國家跳水隊嚟香港表演，其間大會安排咗唔少購物活動，但郭晶晶除咗去卡地亞打咗個轉，結果兩手空空走人外，其餘時間就匿喺酒店休息。唔通婚期好事多磨，佢連shopping 都冇興趣？
要勞動霍家大公子親自掃貨，挽到一袋二袋，除咗郭晶晶仲有邊個？
霍公子嘅戰利品，足足塞滿成個車尾廂，真係大豐收
……郭晶晶呀！
郭晶晶嘅好姊妹吳敏霞就冇咁幸福，要自己逼旅遊巴去shopping ，點都叫促進香港經濟，多謝晒！
呢個男朋友真係廿四孝！（設計對白）
唉，邊有女人敵得過shopping 嘅誘惑㗎？不過郭晶晶勝在有個廿四孝男友囉。上周四（1 月8 日），媽咪姐就喺銅鑼灣時代廣場，撞到霍啟剛同個男助手買咗幾大袋運動同影音產品，擺滿成個車尾廂，然後急急腳上車走人。啦，你話呢啲嘢唔係幫郭晶晶買嘅，真係賭乜都得！郭晶晶咁樣購物法，仲方便過網上shopping ，各位姊妹又真係唔恨得咁多！
