徐子淇胎兒仔變女之謎醫生：九成九再生女

07年，「千億新抱」徐子淇誕下長女晞彤時，四叔李兆基已表明恨抱男孫，為追個仔，寧波車、風水陣，連清宮圖都出埋，實行要「三年抱兩」兼湊成一個「好」字。子淇果然不負所望，去年11月中證實再度有喜，有傳四叔好開心咁話，如果今胎係仔，重重有賞。

雖然徐子淇對於BB性別，一直口密，但仍漏口風：「照過兩次（超聲波），第一次係仔，第二次係女。」雖然很多報道均稱，她的胎兒是仔，不過本刊訪問過醫生意見，認為她照第一次時，胎兒太細，準繩度低，反而她最近照的一次準確度高得多，有婦產科醫生更指九成九係女。

不過子淇仲後生，加上今次打算順產，仔，想生幾多都有，梗係冇問題啦！

當知道徐子淇懷了第二胎後，有傳四叔開心到見牙唔見眼，仲興奮到去年聖誕節請晒全家人去旅行慶祝，跟住的除夕夜，當徐子淇陪老爺李兆基、老公李家誠出海上船睇煙花時，講到08年願望，四叔更老實不客氣話：「我梗係想有個男孫啦！」恨抱男孫恨到出晒面。

現懷有五個月身孕的徐子淇，重了10幾磅，她笑言陀上一胎時鍾意食甜，今胎就鍾意食「立雜」，尤其係雪糕，真係為食。

四叔李兆基開到口話要「三年抱兩」，徐子淇果然不負所望，所以四叔聖誕請完去旅行，農曆新年又話舉家去日本。

婦產科專科醫生李福謙表示3個月的胎兒難以分辨性別，但接近5個月應該可以看得很清楚。








[url=http://www.51.la/?2052775]