吳卓羲由去年開始埋頭苦幹拍劇洗底，昨日又有一套新劇《巴不得爸爸》開鏡拜神，沒機會唱歌，同期男藝人個個迎頭趕上，黃宗澤、王祖藍去年唱片大賣兼囊括多個頒獎禮新人獎，吳卓羲對此說：「每個人都有唔好同好嘅時候，我希望可以再唱歌，而家等公司安排。」
無線新劇《巴不得爸爸》一眾演員吳卓羲、陳錦鴻、姜大偉、胡杏兒、楊思琦、胡定欣和黃淑儀，昨日在將軍澳電視城開鏡拜神。吳卓羲拍劇一套接一套，他表示希望可以繼續低調拍劇，不過也想有機會唱歌。
拒認去吹風
黃宗澤、王祖藍加入樂壇，成績不俗，問吳卓羲被同期男藝人迎頭趕上，可感到威脅？他說：「每個人都有唔好同好嘅時候，我知佢（黃宗澤）之後都要拍劇，都係做好自己崗位，冇話邊個追過邊個，我都希望公司可以畀兩、三個月時間我專注唱歌錄碟，都係等公司安排。」吳君如主持的無線節目《星星同學會》，前晚一集請來吳卓羲過氣緋聞女友官恩娜任嘉賓，官恩娜透露曾跟男友去過一個沒圈外人知道的地方吹風，剛巧碰到一名警員巡邏，該名警員向其男友說了一句話：「又係你，噚晚先見到你。」主持人吳君如即大叫「唱K 」，令人聯想到花心男友是吳卓羲，吳卓羲昨日對此說：「我點會同佢去吹風，係都唔會出街，黃口黃面，係都係去高級餐廳喇！」此外，胡杏兒在《巴不得爸爸》中有很多冶艷造型，扮林鳳又要扮鳳凰女，跟陳錦鴻做一對鬥氣夫妻，又要做吳卓羲的媽媽，她說：「劇入面講時光倒流，話我同陳錦鴻結婚，做吳卓羲阿媽。」
胡杏兒的六十年代冶艷林鳳造型，有嚇人一跳的感覺。
（左起）阮兆祥、姜大偉和陳錦鴻在新劇中合作，希望擦出搞笑火花。
同思琦談情
楊思琦表示面對媾女王吳卓羲仍然會堅持到底，保住自己貞節牌坊的美譽。
楊思琦在劇中跟吳卓羲一對，問楊思琦會否擔心打破自己的貞節牌坊，跟吳卓羲傳出緋聞？她說：「唔會喇，應該冇問題。」採訪、攝影：楊潔雯
吳卓羲去年全年埋首拍劇，誰不知官恩娜（小圖）爆料，令他又成為花心男人的嫌疑人物。
from
http://appledaily.atnext. ... art_id=12081768
