多情大俠鄭少秋同官晶華育有兩女，大女係卜卜脆18歲、熱情奔放嘅鄭詠恩，佢承繼咗老竇秋官嘅多情作風，仲加埋時下青年人嘅豪放風格，而家喺英國讀書嘅詠恩，將自己同多位男朋友仔嘅慾照放上facebook ，有啲相同半裸男仔攬到實咀嘴。其實，秋官同已故嘅前妻沈殿霞（肥肥）嘅心肝寶貝鄭欣宜，早年都將自己同男伴親嘴嘅相放上個人網誌任人欣賞，不過近期欣宜發奮自力更生，一改昔日反叛性格，同老外男友感情穩定。而得父母愛錫嘅詠恩，甚似其姊欣宜作風，真係戥天生外父相嘅秋官閉翳。
官晶華擔心在英留學的女兒詠恩會蝕底，會加以管教。 資料圖片
鄭少秋經常要為女兒私事操心。 資料圖片
蘇梅島旅行留影
噚日馮仁昭打電話畀秋官，接電話嘅官晶華話有睇到雜誌，佢話：「啲相係佢同啲同學一齊影，啲男同學係香港人，我見過佢哋，佢著泳衣過張相係佢哋學校一班人去泰國蘇梅島旅行，我都睇過啲相。」不過官晶華話佢會話吓個女。咁會唔會叫個女小心啲唔好蝕底畀男仔呀？官晶華話：「咁梗係會啦！做父母嘅一定有擔心，要教吓嘅，而家學業要緊，不過佢鍾意放啲相上網，我要話吓佢。」唔知秋官知道後係咪好嬲呢？官晶華話秋官未睇啲相，不過知道呢件事，但係秋官係咪好激氣就冇回應咯！天下間做父母嘅都想子女成材，希望詠恩以家姐欣宜做榜樣，識得珍惜歲月，發奮圖強。
秋官與官晶華的大女兒鄭詠恩，將自己與多位男友慾照放上facebook 晒命。 資料圖片
from
http://appledaily.atnext. ... art_id=12081743
