唔使咁躁底！（設計對白）
身為謝安琪的同門師兄Eason （陳奕迅），在無線勁歌頒獎禮上輸俾死敵古巨基，未能奪得「最受歡迎男歌星」，只得神枱獎「亞太區最受歡迎男歌星」，加上連唱兩首歌都撻Q 走音收場，令Eason 塊面黑上加黑。
慶功宴上，Eason 被問到嗱唔到「最受歡迎男歌星」有無失望時，他忍唔住爆粗：「Who fxxking care!」輸獎又輸品。
基仔出席完大會慶功，再會合黃柏高嚟多次慶功，其間有記者問到會唔會趁高興結婚，他就表示：「結婚唔係趁高興嘅，唔好以為我醉咗至得㗎！」跣佢唔到。
後台宣言古巨基大熱勝出奪得「最受歡迎男歌星」，激動得眼淚狂標，更首度在台上向緋聞女友Lorraine （小圖）公開後台宣言，感激對方一直在身邊支持。
Who fxxking care!（真實對白）
明知三連霸無望，Eason 全晚都躁底黑面，心情差到連唱《歌頌》及《然後怎樣》時都出現走音情況，更忍唔住向工作人員發晦氣，「你圈我呀，咁唔講囉！我唱歌……」
狹路相逢在慶功宴上正當眾人向基仔祝酒，Eason 經過基仔身邊時都直行直過，未有好似他所講有向基仔恭賀。
Eason 慶功宴上全程黑面，相反另一男歌手李克勤就表現大方。
祖兒交戲當主持宣布「最女」由楊千嬅爆冷奪得，容祖兒都交足戲上前恭喜，但轉頭在慶功宴上講明下年會從千嬅手上搶番。
據知原本坐定粒六破梅艷芳紀錄，六連霸「最女」的容祖兒，在開show 前已收到風無望，於是突然變得悶悶不樂。
