樂壇新人王鄧紫棋（G.E.M.）最近被網友力指「黐
筋」，昨日她現身禁毒活動時為自己平反：「知道，有睇，其實係我左顎骨鬆咗，所以會漏風，唔會唔開心，網民唔知我呢個生理問題。」G.E.M.已看醫生亦將會做手術，本應希望等廿一歲發育完成後才進行，不過因為影響唱歌咬字，正考慮提早做手術，但不擔心手術後引起整容疑雲。
樂壇女新人王鄧紫棋（G.E.M.）唱功了得，獲不少前輩睇好，不過最近有網友指她「黐筋」咬字不正，昨日G.E.M.出席活動澄清事實並非如此！
年僅十七歲的G.E.M.，在各大音樂頒獎禮中取得卓越成績，更獲多位前輩包括校長譚詠麟及天后容祖兒大讚，但最近G.E.M.卻被網友指不但貌似徐子淇，連「黐筋」都似足對方，嫌她唱歌不夠字正腔圓！
影響錄音急做手術
昨日G.E.M.出席禁毒活動時解釋原因說：「係我左顎骨鬆，會比其他人漏風多幾倍，唔會因為咁而唔開心，網民唔知我呢個生理問題。（睇醫生？）有睇，會做手術，本來想等二十一歲發育完成先做，依家都有同媽咪商量即時做。」她又透露漏風問題影響錄音。問到手術後會否擔心被指整容？她說：「唔驚，自己一定唔會整容。」
提到在叱頒獎禮上獲獎後，發表「長篇肺腑之言」，G.E.M.坦言有阻礙時間：「當時腦入面一片空白，想講咩就講晒出，自己都有上網睇番，每次睇都忍唔住喊。」
至於在勁歌頒獎禮上踢走無「親生女」鍾嘉欣勇奪金獎，G.E.M.謙虛地說：「唔好用個『踢』字，多謝TVB 支持，一直畀機會我。（獎後要幫TVB 做好多？）唔知，留畀公司安排。」
G.E.M.為免影響錄音，想盡快做手術。
