與油王朱明拍拖的港姐陳法蓉前晚以一襲超低胸裙出席時裝騷，搶盡風頭。早前她被雜誌影到與男友拍拖睇豪宅，問她是否準備與男友築愛巢，計劃結婚？她說：「呢啲報道得啖笑，冇咁嘅事，呢啲係我哋兩個人嘅事，結唔結婚我哋有共識，09年我都希望結婚生BB ，幾時結、結唔結、結咗未，都唔需要同大家講。」
趙雅芝偕黃錦燊出席晚宴，她更獲大會頒贈「2009關懷大使」獎項。
天氣轉冷，胡敏珊即披上白色fur 大褸保暖。
遭追拍整親頸
話口未完，陳法蓉又自爆除夕夜與男友遊車河時被狗仔隊追車，險象環生，她說：「過日我仲以為自己拍緊《保持通話》，過晚我成個人震晒，好彩係男友揸車，我整親條頸，而家仲要睇醫生，希望佢哋道歉同賠湯藥費。」採訪：Law Wai Man攝影：Ricky Ip
愛情得意的陳法蓉，穿上性感晚裝拋胸亮相，與扮演愛麗絲的小女孩合照。
from
http://appledaily.atnext. ... art_id=12075064
