鄭裕玲（嘟嘟）與呂方拍拖16年，去年10月主動向外宣佈分手，有指嘟嘟因在投資上錯信呂方勁蝕千萬，分手之餘更收回自己送給呂方使用的寶馬座駕，但上月平安夜呂方被發現重揸嘟嘟所贈的寶馬，更到女方的家慶祝聖誕，二人被指復合。早前憔悴暴瘦的嘟嘟前晚擔任皮草設計賽評審，雖然拒絕回應是否已復合，但她明顯容光煥發，狀態回勇。
鄭裕玲前晚與任達華、貝安琪及謝瑞麟女兒謝穎婷等，在尖沙嘴出席「香港皮草設計比賽2009」，嘟嘟被問到是否已跟呂方復合時，她即說：「私人嘢唔講，新年快樂，身體健康。」之後又不停口說：「我農曆年會去拉斯維加斯，唔係搵錢，度假，因為香港靜啲，我去搵朋友。」
「多謝大家關心」
問嘟嘟有否看過章子怡的沙灘艷照？她即說：「唔鍾意睇人哋嘢，人哋私人嘢唔好理，我嘅私人嘢大家都唔好咁關心。」再問她是否已復合？她說：「唔講，我好好，多謝大家關心。」嘟嘟早前宣佈與呂方分手後，曾經被拍下憔悴暴瘦的照片，不過前晚所見，她已回復容光煥發，看來心情已經平靜許多。任達華前晚專程回港出席比賽，晚會後又趕返澳門拍片，問他有否送過皮草給太太琦琦？他笑說：「送好多，唔係皮草，係打波過啲草皮，不過都打爛晒咋。」同場的貝安琪早前自爆男友是美國歌手兼演員Rossif Sutherland ，即美劇《24》男主角基夫修打蘭（Kiefer Sutherland ）的弟弟。
呂方資料圖片
鄭裕玲和任達華前晚齊齊擔任皮草設計比賽評判。
貝安琪讚男友
Lisa S.示範的黃雪瑩作品，獲得全皮草組季軍。
前晚貝安琪謂二人已拍拖1年，但經常分隔兩地，稍後她要在柏林影展才能見到男友。問她會否擔心異地戀容易分手？貝安琪說：「唔會，佢好專一，我鍾意佢好細心，心地又好，好易相處。同埋佢而家日日要健身，谷大隻拍片，唔得閒。」採訪：羅慧敏攝影：葉君海
嘟嘟拒絕回應是否已跟呂方復合，但高興地透露農曆新年會到賭城度假探朋友。
from
http://appledaily.atnext. ... art_id=12072452
