任達華和邵美琪（Maggie ）經常在杜琪峯的電影中結緣，論外形非常合襯，但奇怪就是不演情侶，最近再度合作，演出新片《機動部隊—同袍》，又是演工作上的夥伴。二人相識20年，會傾心事，華哥常勸Maggie 忘記過去，解開心結迎接新戀情。
性格看似有點難以捉摸的邵美琪，在任達華心中是個心地善良的女人。他們不是經常聚會，但會傾心事。要說開始傾起心事來，全因杜琪峯的夜班通告，華哥日前說：「我哋喺TVB 到而家相識應該有20年，以前冇乜機會合作，直到拍阿杜（杜琪峯）戲，開夜班多，時間長，傾偈時間多咗，都會傾吓心事。」華哥續說：「我發覺呢個女仔有一個好善良嘅心，做一個人有幾靚、有錢定好窮都唔重要，最緊要係個心。佢份人冇機心，令人好舒服，做事不求回報，所以Maggie 有好多好朋友會幫佢，係佢應得嘅。」好女應有好男相襯，問華哥有否做媒介紹異性給Maggie 認識？Maggie 搶著說：「緣份嘅嘢，隨緣啦！我唔強求，有就有冇就冇！」華哥笑笑口說：「過去咗就過去咗！冇心結係解唔到嘅，我成日叫佢唔好
咁多。」
邵美琪和任達華合演警隊好拍檔，入型入格。《機動部隊—同袍》劇照
邵美琪對於感情事看得很淡，一切隨緣。
守時感染後輩
常聽到電視台上位小生、偶像歌手拍戲習慣遲到，前輩等後輩開工的例子常有發生，而今次他們就和一班後輩合作，Maggie 說她開工很準時，但在華哥身上學到早到原來更開心的感受，華哥說：「希望大家都有呢份精神，有某啲人鍾意遲到係佢嘅事，但作為一個專業演員應該做番自己本份，我哋都會早到換好戲服等埋位，舊人以身作則，感染到新人，從來冇人遲到過，今次同呢班新人合作，個個都好用心，感覺好似PTU 一分子。」華哥的爸爸及兄長都是警察，他把PTU 演帥了，華哥說一切都是從爸爸身上學回來的：「我爸爸仲有型，哥哥就係我偶像，睇佢行出嚟幾咁有型。我細個志願都係做警察，雖然最後做咗藝人，但我有機會扮差人，就由夢想中出發去演好呢個角色。」採訪：魯萍 攝影：葉君海場地：Indigo
任達華和邵美琪合作多年，私交甚篤。
from
http://appledaily.atnext. ... art_id=12067248
