鄭融近日傳出飛甩劉浩龍，火速撻著音樂監製莊冬昕，二人更共賦同居。前晚三人同時在電視城錄影節目，再加上鄭融的另一緋聞男友歐陽靖（MC Jin ），雖然關係七國咁亂，但鄭融卻甚為風騷，不過劉浩龍一提到女方名字即時黑面兼與對方劃清界線。
小辣椒鄭融自入行以來緋聞不絕，近年盛傳與劉浩龍拍拖，但最近傳出兩人分手，而女方更火速戀上音樂監製莊冬昕，更共賦同居。與此同時，鄭融又和歌手歐陽靖傳緋聞，桃花極旺。
鄭融前晚和兩位緋聞男友莊冬昕（左）及MC Jin （右）一同錄影《勁歌金曲》。
劉浩龍不知是否心不在焉，玩遊戲唱《思覺失調》時竟甩key 甩嘴。
劉浩龍心情差
前晚鄭融與莊冬昕及MC Jin 一同到將軍澳電視廣播城錄影《勁歌金曲》，三人表現大方一同合照，近日盛傳和鄭融分手的劉浩龍則同時在另一錄影廠演出《耳分高下》，認真巧合。問到劉浩龍是否知道鄭融在另外一邊錄影？劉浩龍態度冷淡地表示不知道，他說：「我只係想唱自己歌，今日係嚟唱歌畀fans 聽。」追問是否和鄭融分手，劉浩龍木無表情地說：「我哋都冇喺一齊，唔好再迫我。」至於鄭融否認和莊冬昕熱戀及同居，似有講大話之嫌，劉浩龍只著記者去追問當事人，他有意和鄭融劃清界線說：「08年12月31號我已經講晒，唔會再講，我只想練功，今年更上一層樓。」會否想有新戀情？劉浩龍笑說要買桃花轉運。未知是否被情所困，劉浩龍在節目中唱《思覺失調》時竟甩嘴入錯key ，老貓燒鬚。現場所見，劉浩龍未有和鄭融碰面，但鄭融則說：「我有見到佢，大家仲打招呼添，唔好搞到咁緊張。」問到三位緋聞男友同場，鄭融狀甚風騷說：「有興趣可以打四圈喎。」對於劉浩龍聲稱沒有和鄭融拍拖，女方聞言說：「我從來冇話我哋唔係朋友，總之我而家係單身。」
認頻訪監製家
至於有傳現正和莊冬昕同居，鄭融否認兼表示現在和家人同住，但被指她在男方家中離開，鄭融說：「係呀，佢係我監製，唔通次次傾嘢都去酒店coffee shop 咩，老闆同事都會去佢屋企。」她再三強調和對方只是朋友，沒有其他回應。採訪：楊潔雯、卓寶花攝影：陳俊強、陳慧安
雖然當晚緋聞男友同場，但鄭融卻表現得相當風騷。
from
http://appledaily.atnext. ... art_id=12067017
