梁朝偉、劉嘉玲早前平安夜在山頂大宅與朋友開派對，卻被拍得友人在書房用飲管索粉末狀物體。劉嘉玲昨日出席內衣活動時，表明以後嚴選朋友，更會在屋內貼紙列明家規「要乾乾淨淨」。
劉嘉玲昨日在銅鑼灣主持美體內衣BODIBra 開幕禮，她穿上Donna Karan 低胸裙，輕鬆力壓同場的一班年輕嚫模，如邦民女Kama 、莊思敏與一對孖生妹妹莊思明（Mona ）和莊思華（Lisa ）等。
莊思敏帶同孖生妹妹Lisa （左）和Mona （右），三姊妹齊齊搵錢。
Kama 在猛男胸口簽名，尷尬傻笑。
「想搞清楚」
大會安排女模在樓上櫥窗示範性感內衣。
嘉玲十分識做，大讚內衣又謂不介意做代言人，她說：「著咗之後，上圍靚咗，改善咗成個人企嘅姿態，挺咗，包得好舒服、好挺。」她謂上圍毋須再升級，但希望更結實。問到梁朝偉有否欣賞她的內衣？她不想多講，但說：「呢啲嘢著畀自己高興，有個好玩、配合男仔就更精采，不過男仔多數粗心大意。」婚後首個平安夜，嘉玲與偉仔請來化妝師Zing 及朋友在山頂大宅開派對，但被影到有友人在書房用飲管吸白色粉末，偉仔怒下逐客令，嘉玲被問到此事即回應說：「呢樣嘢我都想搞清楚，過日太多朋友，啲朋友帶啲唔熟嘅朋友嚟，當時我同偉仔都唔喺屋入面，喺花園度。」
屋中貼家規
問嘉玲家中發生此事，會否受影響？她說：「唔會呱，喺呢個圈咁多年，人哋都知我哋係乜人。」不敢在家再請客？她說：「唔會，最多喺屋企貼張紙『要乾乾淨淨，請尊重本屋規矩』。」她承認自己與偉仔都嬲，更指以後要嚴選朋友，嘉玲說：「經一事長一智。」梁朝偉昨日在中環為《赤壁決戰天下》宣傳，被問到平安夜當晚的派對，他嚴肅地說：「其他人嘅習慣，自己冇資格去干涉，但係喺人哋嘅地方，要尊重過個地方嘅人（屋主）。」問他是否下逐客令？他說：「我唔想再講。」即時離座，走到另一邊拍照。採訪：Law Wai Man攝影：Wong Wai Hung
劉嘉玲嚴選入屋朋友，更會列明家規。
from
http://appledaily.atnext. ... art_id=12058109
