陳敏之、李亞男、蔡淇浚和李雨陽等，昨日在奧海城宣傳明珠台連續劇《星球大戰：複製戰紀》，眾藝員在台上介紹節目時均要讀貓紙，李亞男講解年份1977時，更誤將77講成粗口，事後她說：「其實我都曾經講錯個9字，朋友成日話我講粗口，但真係冤枉。」
圍毛巾係底線
左起：蔡淇俊、李亞男、陳敏之和李雨陽，齊為明珠台的星戰連續劇宣傳。
對於章子怡與男友Vivi Nevo 在加勒比海一小島沙灘上大解放裸曬，陳敏之說：「佢哋喺外地自然會放鬆啲relax ，可能章子怡男友係外籍人，比較開放，但對於佢哋兩位都係件開心事，佢除得件泳衣都預咗畀人睇啦，呢一刻佢兩個嘅世界係好甜蜜，唔使理人點睇，最緊要佢哋兩個開心，但我自己就冇呢份勇氣，最多都只會除泳衣帶，但會用毛巾遮心口。」問到陳敏之會否與男友公開親熱時，她說：「唔敢，喺屋企最低防線都係沖完涼圍毛巾四圍行，但一定會落簾，自己就算俾媽咪見到都尷尬啦，我浸溫泉都要著衫㗎。」採訪、攝影：卓寶花
陳敏之（右）和李亞男持劍扮戰士，十分有趣。
from
http://appledaily.atnext. ... art_id=12057949
