截稿日已橫掃兩個頒獎禮，砌低一班哥哥姐姐奪新城「勁爆新人王」與商台「叱
女新人金獎」，令叱
時站在旁的胡杏兒都講到明入行9年感慚愧！5歲開始嘗試作曲填詞，10歲參加歌唱比賽，13歲完成鋼琴8級，會考仲要理科21分，唔怪之得頒獎禮上人人話自己條路難行，得佢冇咋。
商台叱女新人金獎叱
嗱完獎，G.E.M.就喺自家Xanga blog 發布與當年歌唱比賽發掘佢、再成為經理人的張丹（右一）及監製Lupo （中間）合照，事實上張丹亦係前Soler 經理人。
新城勁爆新人王G.E.M.話朋友間知佢入行最多打嚟同佢嗱飛嗱簽名，「今次去到頒獎典禮見齊其他歌手，先真係有感覺自己入咗行，冇緊張好興奮。」
G.E.M.Profile‧中文名：鄧紫棋（原名鄧詩穎）
‧英文名：G.E.M.（即Get Everyone Moving ，原本叫Gloria ）
‧出生日期：1991年8月16日（17歲）
‧出生地點：上海
‧星座：獅子座
‧學歷：油麻地真光書院中五畢業，現是part-time 演藝學院聲樂系學生
‧代表作：〈睡公主〉（同時負責主唱作曲填詞）、〈Where did you go 〉、〈等一個他〉（負責主唱填詞）
‧偶像：Christina Aguilera
「超靚女、唱得又勁跳得！」
‧近期熱聽：Britney Spears 《Circus 》
「佢以前係Christina 嘅死敵，所以冇聽，但今次新碟太好聽，尤其係〈Womanizer 〉。」
‧最愛電影：《Titanic 》「睇6次喊6次！」、《Dream Girls 》「最好聽歌舞片！」、《畫皮》「男主角陳坤對臨死趙薇嗰句：『身為首領我冇辦法唔殺你，身為丈夫又點可以離你而去』超touching 。」
‧最常check ：自己於Xanga 的blog
牛年減肥大計訪問於08年最後一日進行，問G.E.M.諗好嗱獎時講乜未，佢話：「諗定講唔自然㗎。」點知叱
時自然到講足3分鐘多謝唔停。
17歲，沒有𡃁妹式不知天高地厚寸嘴，只有人細鬼大，活潑勁扮金魚嘴，連講嘢時會漏風都變成可愛之處，「我呀，好多不足之處㗎，例如肥啦，返演藝個個同學仔都係perfect pitch ，即係無論咩聲音都可以分到係do 、re 、me 邊個音，連冷氣機聲都得，我只係relative pitch ，要聽鋼琴聲先分到，仲有呀左邊顎骨細，講嘢牙齒合唔埋，會漏空（風）！」不過就係呢個特質令佢唱歌口音似Mariah Carey。再加上婆婆係歌唱老師，公公吹saxophone ，媽咪又係上海音樂學院畢業生，完全音樂世家，得天獨厚。肥嘛，見佢訪問時肯聽工作人員話，唔飲可樂飲水已知可教也：「'09願望係減肥！包包面變瘦臉！」講到係牛年大計，但減肥方法只有戒食戒汽水同做gym ，但連健身教練都話佢唔夠勤力，典型冇包袱少女。
隨身物晒冷多謝Pooh
「我全屋都係佢嘅product ！」叱
時G.E.M.亦有多謝熊仔公仔，圖為G.E.M.私伙Pooh 鏡盒。
念慈菴開聲
「開聲用最佳食品。」
NDS 拍戲
「最愛玩Touch 版俄羅斯，之前客串葉念琛戲，就靠佢同葉念琛嘅爛gag 過。」戲名叫《保持愛你》，G.E.M.做花店職員，2月上映。
獎勵D&G 表
「我自己以約$3,000買，獎勵自己！」呢款表，同佢把聲一樣，比真實年齡老成。
首次公開 G.E.M.成長圖鑑訪問喺石硤尾G.O.D.Museum 舉行，一大堆香港舊物佢都唔識，最有印象只有呢排信箱：「細個喺上海住時見過！」事實上更收過不少fans 信，最難忘甚至有呢個fans 手製鋼琴。
上海4歲前
香港幼稚園
香港太子協和小學
油麻地真光書院
現代教育K.Kwong
最差Chemistry作為9字頭一代，日常話題離不開NDS 、facebook 、Xanga blog 及台劇外，仲有各補習天王，「幾間補習社都有補，我最叻係數學同Physics （會考同中、英一樣嗱B ），最差係Chem.，補親嘅都係化學老師，P.Chan 、K.Kwong 、Winson Liu 、Samuel C.，佢哋gossip 好hit 㗎，例如話K.Kwong 以前係Samuel 學生……。」對於補習阿sir 邊個靚仔，G.E.M.零反應，大家明啦，但教學方法就即時話：「現代K.Kwong 最好，勁搞爛gag ，從中又真係學到嘢。」至於人仔細細點唱咁多情歌？「我作每一首都係自己故事嚟㗎，〈睡公主〉原版係英文〈Sleeping Beauty 〉，中一時我鍾意咗個男仔，但冇同佢講，呢首歌意思係希望自己可以做個睡公主，長期喺夢中同佢相見。後來中三開始同另一個都係歌唱比賽識嘅男仔拍拖，又作咗〈Where did you go 〉，我讀女校所有男仔朋友都係比賽識，但而家就冇拍拖。」前排俾本刊踢爆的男友仔Aaron ，G.E.M.話：「咪又係比賽識嘅男性朋友囉！」單身男士們記得要多參加歌唱比賽喇。
