楊千嬅前晚爆冷撼低宿敵容祖兒，相隔6年重奪無線《勁歌金曲》最受歡迎女歌星獎，其實千嬅早已對這個大獎虎視眈眈，頻頻使出電話攻勢務求志在必得，加上唱片公司東亞老闆林建岳出手相助，結果無線向千嬅送獎令她戳破容祖兒6連霸美夢。心有不甘的祖兒坦言失望並宣稱明年要在千嬅手上搶獎，作為送給自己30歲的禮物。
無線的《2008年度十大勁歌金曲頒獎典禮》前晚在九龍灣StarHall 舉行，當晚最矚目始終是最受歡迎男、女歌星獎，賽前大熱的陳奕迅（Eason ）和容祖兒雙雙落空，由古巨基及楊千嬅奪得，但千嬅得獎卻惹來爆冷和造馬傳言。其實千嬅之前與無線關係麻麻，至去年雙方融冰，她即對最受歡迎女歌星獎虎視眈眈，希望能夠從祖兒手上爭過來，故此早於頒獎禮舉行個多月前積極鋪路，有傳千嬅曾向無線透露有隱退念頭，因此希望能夠在頒獎禮上再次得到最受歡迎女歌星獎，好讓在自己歌唱事業上得個完美句號。
千嬅相隔6年重奪最受歡迎女歌星獎，她高興得和fans 開香檳慶祝。
東亞老闆林建岳前晚親身祝賀千嬅得獎。
老闆發功林建岳搞掂陳志雲
無線親生仔黃宗澤早前加盟東亞唱片，令東亞和無線關係更親密。資料圖片
千嬅更親自發功打電話給《勁歌》監製潘裕佳，表明心跡希望得此大獎，而千嬅將於10月在紅館舉行演唱會，屆時會否效法陳慧琳宣佈結婚或退出則不得而知。至於唱片公司老闆林建岳也出手相助，除早前冧掂千嬅和無線續約外，他更和總經理陳志雲秘密飯局為千嬅鋪路。而無線親生仔黃宗澤早前加盟東亞即被力捧，可見雙方關係相當密切。另方面，若果祖兒得女歌星獎便可打破梅艷芳紀錄，但始終不及「爆冷」給千嬅般有另類驚喜及新聞性，故此無線左度右度之下終於決定送獎給千嬅，一舉兩得。但有人歡喜有人愁，Eason 和祖兒失落男、女歌星獎，因此兩人在慶功後未有為《TVB 周刊》影相，只得千嬅和基仔兩人。頒獎禮後千嬅和祖兒到九展出席慶功宴，兩人有互相祝賀，狀甚老友。對於重奪失落6年的最受歡迎女歌星獎，千嬅笑說：「我仲以為曾志偉整蠱我，但真係好激動同開心。」談到失而復得，她說：「唔好咁講，其實唔一定係我。」但外界覺得千嬅今次是爆冷及造馬勝出，她笑說：「爆乜都冇所謂，我爆開心，爆竹一聲除舊歲，爆好嘢就開心。造馬我唔識，只識開心。」緋聞男友丁子高有沒有SMS 祝賀？千嬅表示未有時間留意，至於會否公開戀情？千嬅只說：「咩呀，總之我今日好開心，下次願望係想嫁得出。」
祖兒目標明年30歲誓奪大獎
祖兒首次得到亞太區最受歡迎香港女歌星獎，她在保母車上開香檳慶祝。
未能6連霸的祖兒則說：「如果覺得嗱夠，好似好牙擦咁，今年嗱唔到會推動我去進步，繼續努力，其實5年都唔容易，我覺得千嬅嗱都好合理。」不過祖兒仍想得到最受歡迎女歌星，她說：「我下年30歲，如果可以嗱女歌星獎，咁就好圓滿好難得，係一個好好嘅禮物，所以要加把勁。」而蔡卓妍前晚在台上做「We will be back 」口形，她在慶功宴上說：「Twins 係冇解散過，我哋（指Twins ）仲後生。其實我都好叻，我只有一首半歌，但都嗱咗半個獎。」問到有傳千嬅有引退計劃，其唱片公司高層陳志光昨在電話中說：「冇咁嘅事，千嬅嚟緊電影同唱片都有工作，點可能退出。」祖兒經理人霍汶希昨日在電話中說：「我哋真係有啲失望，祖兒一直專注歌唱事業，佢好努力，咁嘅話咪洗牌再嚟過。」賽果可會影響英皇與無線的關係？霍汶希則聲稱雙方關係良好。採訪：胡比、駱華齡攝影：仇志德、陳順禎
話你知：無線東亞釋前嫌
林建岳前年曾畀面接受陳志雲的訪問。
英皇每年都大灑金錢在無線買下廣告時段，且旗下歌手逢騷必到；相比之下東亞娛樂較為輸蝕，皆因大部份旗下歌手如黎明和鄭秀文等均與無線沒約。無線去年將《十大勁歌金曲頒獎典禮》最受歡迎女歌星與亞太區最受歡迎香港女歌星兩大獎盡歸英皇，據悉此舉引起不少唱片公司不滿。東亞旗下的楊千嬅也決定不再續約，更即時用廣東話接受有線訪問，明剃無線眼眉，無線隨即全面封殺千嬅，令其人氣急跌。對抗局面發展至去年8月有戲劇性轉變，有指千嬅見新碟推出在即，為爭取曝光率挽人氣，主動與無線續約修補關係，之後她即獲安排擔任《香港先生選舉》司儀，全面解封。如今千嬅重奪勁歌女歌手大獎，力撐她的東亞揸弗人林建岳的確功不可沒。
楊千嬅（左）和容祖兒這對宿敵前晚各得女歌星獎，但祖兒坦言未能6連霸感到失望。
from
http://appledaily.atnext. ... art_id=12048479
