去完新加坡開騷，楊宗緯返台當日，律師賴芳玉（圖左）都有嚟接機，更代楊宗緯同記者對話，果然係傳聲筒。
自從五月喺小巨蛋舉行完演唱會，楊宗緯幾乎絕跡台灣娛樂圈，收埋唔見人，原來係為咗同經理人許安進打官司解約。
情況有啲似Isabella 梁洛施，雖然楊宗緯無富豪做後盾，但各行各路事在必行，許安進何止奉陪到底，更向傳媒大爆楊宗緯如何食碗面、反碗底。
其實圈中大部分人都力撐許安進（圖），認為楊宗緯唔識飲水思源，枉費經理人一番心機，就連一直睇好楊宗緯嘅演藝前輩白冰冰，都加把口插佢：「這小孩太淺見，可惜了！」
失蹤人口
原本09年11月滿約嘅楊宗緯，自從單方面提出解約，由六月開始玩失蹤，許安進無晒辦法，於是喺六月廿日寫信俾楊宗緯「講數」，最後紙上談判失敗，許安進於是將封信公開俾傳媒睇，內容提到：「賺錢的是你（指楊宗緯），我賺到的是被你的羞辱與圈內對我的恥笑。」
雙方至今仍未能直接對話，楊宗緯只係派出律師賴芳玉做傳聲筒。
台灣製作單位無人肯搵佢做騷，日日無所事事等海外登台搵錢嘅楊宗緯，間唔中會落街跑步練氣，仲會著窄身褲添！
前助手「捲毛」公開SMS ，力證楊宗緯愛講大話，但賴律師就人如其姓反駁：「情緒上的指控，我們不會回應。」
大話連篇
何止許安進火燒心，楊宗緯前助手「捲毛」，更踢爆佢份人鍾意講大話。事緣楊宗緯答應出席一個校園騷，「捲毛」先後三次提醒佢時間地點日期，但開騷日楊宗緯玩失蹤之外，更賴助手無通知佢。
蒙上不白之冤，「捲毛」喺五月三十日離職當日，發SMS 鬧楊宗緯：「我至少跟你講過三次，為何要在報紙上說謊……」
表面證供，楊宗緯明顯處於下風，但佢話打完官司會真相大白，邊個係人，邊個係鬼，大家不妨放長雙眼睇喎！
5宗罪
許安進話，楊宗緯份人自大、刁難，以下五宗罪，佢硬係搵到藉口反駁。
[
本帖最後由 young 於 2009-1-2 14:30 編輯 ]
