錫邊都得！（設計對白）
成晚嘴嘟嘟嘅阮經天，做定熱身迎接fans 聖誕熱吻，咁玩得，曾志偉應該請佢上《獎門人》。
上期「國台扮」曾經預言，阮經天聖誕襲港例必引來哄動。果然唔使勞煩李丞責蘇民峰開壇卜卦，阮經天無論現身大堆頭嘅《愛到底》宣傳，抑或單拖上陣嘅《相聖誕抱抱會》，聲勢，贏晒！
出道六年終於坐正做一線小生，阮經天深明機會從來唔等人，何止出晒名工作認真，嚟到香港見fans ，更加男女老幼通殺，親切有禮態度，簡直聽晒劉德華忠告。
俾中女fans 硬啜粉面，范逸臣個樣委屈過屈原，阮經天為緩和氣氛，突襲范逸臣耳仔，呢吓「斷背吻」，引來全場尖叫。
錫完耳仔再錫心口，阮經天任錫唔嬲，更附送鬼馬表情仲fans 。
兩位男主角負責犧牲色相，令到悉心打扮嘅（左起）周采詩、Makiyo 、葉安婷同埋劉心悠，風頭完全被蓋。
斷背吻
集合各路當紅台星坐鎮嘅新戲《愛到底》，雖然09年2月尾先上畫，但部分演員包括阮經天、劉心悠、葉安婷、范逸臣等，趁住聖誕佳節前夕，喺12月22日嚟香港展開宣傳攻略。
憑電影《海角七號》鹹魚翻生嘅范逸臣，見大會安排豬扒女fans 上台獻吻，面色偏黑，極之抗拒，好在有阮經天，代其中一位阿婆fans ，錫范逸臣耳仔，呢招「斷背吻」，贏盡掌聲笑聲，高招搶鏡，趙碩之唔該學吓嘢！
同周杰倫一樣，鍾意唔著底褲嘅阮經天，獲E Cup Baby 送上XXL 紅底橫，但台下fans 話size 太細唔啱偶像著，唔係掛？咁你都知！
著住厚身外套作保護衣，阮經天何止唔敢同E Cup Baby 有心口接觸，就連雙手都唔敢掂對方嘅玉背，難怪事後佢話完全感受唔到E 級壓力。
有波唔享
做完《愛到底》宣傳，阮經天即晚趕返台灣為新劇《敗犬女王》開工，直到平安夜（12月24日）再搭早機嚟香港，出席西九龍中心嘅《相約小天聖誕抱抱會》。
大會當日安排阮經天頭號fans E Cup Baby 劉欣宜，同偶像率先地對胸抱抱。面對E級衝力射球，阮經天識得保持胸前安全距離，否則俾正印女友許瑋甯見到肯定扭耳仔。
雖然無辦法證實呢對阿公阿婆究竟係為嗱住數，（以為派米點知係送寫真！）定係如假包換嘅小天迷，但阮經天照樣同佢哋抱抱，更採取主動出擊攻勢。
阮經天話，男同女之間應該要保持距離，所以每逢有貌似16歲以下受保護女童上台，阮經天會護苗大使上身，只會搭吓膊頭點到即止。
呢位女fans ，簡直發揮港女食得唔好曬精神，攬到阮經天幾乎透唔到氣。
老嫩通殺
E Cup Baby 出球失利，但阮經天對有幸上台同佢抱抱，更獲贈熱賣寫真嘅88位fans ，輕抱熊抱任何招式都無任歡迎，對住公公婆婆級fans ，更會主動出擊。
