二十下掌上壓計時賽，Soler 大孖Julio 表現水準，將對手南華同天水圍飛馬球員，全部砌低。
回顧08，撇開世界、財經大事，娛樂圈過去一年由年初陳冠希淫照掀開序幕，一搞五個月，之後開心果肥姐病逝，到年尾李嘉欣正式做許太，生命中兩位舊愛，劉鑾雄、倪震連場大龍鳳，多事中時間過得特別快。
球員唔熟娛樂，周麗淇、關心妍等玩估戲名，亦大獲全勝。
球員表現理想，老闆娘梁芷珊聖誕送大禮，以示鼓勵。
席上，Soler 細孖Dino 自發性嗱住結他唱歌，球員同家屬共舞，氣氛唔錯。
現役天水圍飛馬，有港版亨利之稱嘅鄭少偉（箭嘴）落場參加麻將王大賽，最後當然係輸家。
聖誕party 選址上環一間酒樓舉行，同公司員工及兩隊球員開心一晚，老闆羅傑承一樣V 晒。
開心唔開心都好，面對未來先係重要。預期未來經濟唔好，處之泰然，應該係上策。好似BMA 老闆羅傑承，為鼓勵士氣，聖誕前（十二月廿三日）同員工仲有南華加天水圍飛馬球員開P ，場地唔係君悅、四季酒店ballroom ，但上下玩番晚，心理安慰大於一切。
全晚高潮，係老細解囊一萬蚊現金獎，由BMA 全體人員同兩隊球員對賽，估戲名，鬥掌上壓，結果Soler 大孖Julio 力壓一班響球場上踢波搵食嘅波牛，勝出掌上壓，帶挈BMA 四十幾人獲勝。一萬蚊點分？又係一齊食多餐，高興吓囉！
