樂壇孖仔組合Soler與蜂鳥音樂因合約糾紛而被索償近600萬，由於長期拖欠賠償，昨日高院正式向他們頒令破產，蜂鳥老闆張丹更鬧爆「潛水」的兩子是「縮頭鴕鳥」，誓要追債追到天腳底！
區文詩希望Soler待事件平息後可以重新開始。Soler被轟鴕鳥，遲遲未賠償600萬元，被正式頒令破產。
Soler與蜂鳥音樂有限公司簽約，但雙方於2004年合作時出現分歧而最終對簿公堂，其後法庭判Soler違約，須向蜂鳥賠償505萬元，連同利息合共約600萬元！惟蜂鳥稱遲遲未收到賠償，早前入稟高院申請將成員大孖Julio及細孖Dino頒令破產。案件昨日於高院提訊，兩子繼續「潛水」缺席聆訊，而聆案官終直接頒令二人正式破產，而蜂鳥代表律師在庭外表示二人只曾還款20多萬。
區文詩撐舊愛
蜂鳥老闆張丹昨日身在北京與愛將鄧紫棋（G.E.M.）錄音，當得知Soler「被破產」後，他亦怒轟長期「冇影」的他們行「鴕鳥政策」：「我一直都有機會畀佢哋還錢，但佢哋做鴕鳥，將個頭埋喺地！曾經有透過律師聯絡佢哋，但對方提出一啲滑稽嘅方案，我係唔會接受！」他又指破產官將協助追數，誓要追債追到天腳底：「打官司唔係為咗啖氣，啲錢係公司資產，總之錢就一定要還，有幾多還幾多！」
另外，歌手區文詩亦為舊愛大孖Julio打氣：「件事擾攘咗咁耐終於有了結，不過佢哋仲好年輕，希望事件平息後可以重新開始啦！」而在截稿時仍未聯絡得上Soler兩人。
Soler被頒令破產，更被前老闆冷嘲。（資料圖片）
