劇情講述識飛嘅Ada 救跳樓嘅病人，呢個高度，起碼有四層樓高。
上星期三平安夜，無線新劇《飛女正傳》照開工，劇中一人分飾兩角嘅蔡少芬，是日繼續吊威呀扮女超人，勇救一個意圖跳樓自殺嘅病人。
療完傷，堅持唔用替身嘅Ada 親自再埋位。
同對手頭撞頭之後，Ada 俾內藏嘅髮夾𠝹到，傷口唔算深，但都破皮見血。
經過消毒，工作人員幫Ada 貼藥水膠布。
俾Ada 撞後尾枕嘅對手（右），事後乜事都冇。
老公張晉唔在場，壯男黃德斌呵番。
雖然只係小小意外，但監製戚其義十分緊張，出手扶Ada 起身。
雖然Ada 講過有老公張晉教路應付威呀動作，不過意外依然難免，拍攝當日，Ada 同扮演自殺病人嘅江暉一齊吊上四層樓高做戲，其間，戴住長假髮嘅Ada 忽然一頭撼埋對手後尾枕，結果，對方絲毫無損，但Ada 就俾內藏嘅髮夾所傷，搞到額頭掛彩。
中完頭獎，工作人員第一時間消毒傷口貼膠布，休息一陣，Ada 堅持唔用替身，再吊過。
