24/12拖正印騷
一向鍾意做真人騷嘅倪震，24號晚拖埋周慧敏一齊出巡，個樣使唔使咁得戚先？
本月初賤男倪震與22歲城大妹張茆發生偷啜事件，搞到一鑊泡，所謂才子一封又一封聲明掟出，自編自導自演睇到眼冤，最後更宣布和拍拖19年的女友周慧敏結婚，癲過玩過山車。
忽然成為全城皆𥄫的張茆，由事發12月6日起，一直不發一言，有傳她避走家鄉海口，又傳她自殺2次，張媽更上埋雜誌封面訴苦。
忍足23日，張茆終在本週一（29日），有樣學樣發聲明，提到自家blog 早在事發後第二日已「封盤」，而部分冠以她名字的照片亦非她本人，自殺一事她更加冇做過，大反擊之餘，誓要在倪周結婚前玩多鑊！
29/12二幫反擊
張茆自偷啜事件後，一直避世匿海口，唔知呢個笑容幾時至會出現番？網上圖片
'08埋門落在賤震身上，牽連埋來自海南島的城大學生妹張茆、以及犯賤玉女周慧敏的最新動向。
見倪震發聲明咁過癮，張茆於本週一（29日）有樣學樣，不過聲明只為否認近日報道。
網上圖片
一向鍾意自己玩晒嘅倪震，最終玩到同周慧敏走去註冊，會唔會玩大咗呀？
抄聲明橋
有傳倪周2人將於下週一（5日）結婚，並在陽明山莊設宴擺酒，早在上週平安夜，倪震便高調拖準倪太周慧敏出街食聖誕大餐，上演真人騷。
另一邊廂，成為大批傳媒追訪對象的張茆，終在週一（29日）透過律師樓發出聲明。聲明內大致寫到，「除本聲明外，我從未就此事做出任何形式的回應」；「一部分被刊登或在網上流傳的，亦非出自我本人」；「我從未在學校的校園及宿舍內，做出任何不道德、不光彩的行為」以及「事發後我一直留在海口家中」。
張茆聲明長達一頁A4紙，不過文內卻對男主角倪震隻字不提。文中說到感謝父母在這段日子中的安慰和信任，更提到這件事令她上了寶貴的一課，又承諾會用心完成學業，以及積極面對今後的生活，最後她希望一切是非會隨這篇聲明畫上句號。
平安夜開餐
偷啜事件後第一個平安夜，倪震帶準老婆周慧敏到陽明山莊食燭光晚餐，更有說二人是來觀察環境，商量如何為婚禮布置。
張媽媽一直在海口陪住張茆，張茆在聲明中都有多謝媽媽，相信張茆而家需要親情多過激情。
姊妹代言
在張茆發聲明的同時，待嫁新娘周慧敏，則在金山花園寓所等候好姊妹谷祖琳親手送上的腐竹雞蛋糖水，谷祖琳企定定接受記者訪問：「阿V （周慧敏）鍾意食腐竹雞蛋糖水嘛，咪自己拎上去畀佢囉，不過我冇入去，所以唔知阿Joe 喺唔喺度喎！（佢哋係咪1月結婚？）佢哋怕我大口會講出去，所以要到最後一刻至話我知喎，不過我一定會到嘅！」明顯為好姊妹做代言人之餘，亦為自己新開糖水鋪賣廣告，計過度過，果然物以類聚。
張茆趁倪震婚前出招，到正式結婚，張茆會否真身踩場？有戲睇。
假
呢張疑似張茆的性感相，今日終於真相大白。
真
張茆自家blog 早在12月7日已經關閉，讀者認住喇！而呢張佢同倪震在外國記者協會嘅合照，亦珍珠都冇咁「真」。
爭住做張茆
自12月6日，倪震和城大學生張茆偷啜一事曝光以後，不少八卦網友就冒充張茆，無論影相，或者自家blog 都學到足，繼而導致大量虛假消息散出。
網上圖片
張茆1月回歸
張茆由12月初開始冇返城大，連試都缺席冇考到，據知暫時未對張茆有大影響。「張茆有同老師保持聯絡，以學校規定，1月仲有一次補考，如果到時張茆返嚟考就ok ，不過如果佢提出想休學，最長可以休一年。」城大校務處秘書說。
張茆應該趁後生，快啲返香港考埋個試，讀書要緊，為賤震放棄學業，唔值得喎！
