上面有煞氣！設計對白 上到台G.E.M.（上右）依然一臉病態，旁邊嘅可嵐（上左）就懶理，當睇佢唔到。
樂壇開始派成績表，新人金獎個個都估有鄧靚音之稱嘅鄧紫棋（G.E.M.）嗱硬。之不過人開始紅，是非就嚟喇，上星期佢上《勁歌金曲》就即時有二五同FBI 講佢有幾麻煩。
話說當日佢要同另一新人可嵐合唱10年前嘅英文歌〈When you believe 〉（Mariah Carey 、Whitney Houston 合唱嗰首），但因G.E.M.食咗兩日日式燒肉，搞到喉嚨唔舒服，綵排時就叫可嵐幫佢唱其中一句高音，點知可嵐個key 太低唱唔出，G.E.M.就問：「點解你唔唱嘅？」可嵐即駁火：「你唱番啦。」就係咁，兩個仲唔瞅唔睬。喉嚨火燒一樣嘅G.E.M.仲返入後台喊囉。
G.E.M.喊完之後send 短訊畀可嵐：「Sorry ！係我要改，唔好意思！」細路女都識世界嘅，可嵐即刻覆佢：「我會幫你祈禱。」兩個人就係咁friend 番囉！
愈彈愈開 大合唱時可嵐表面好投入，但大家係新人，仲要遷就G.E.M.，唔通暗啞底冇心病咩！
Friend 番 G.E.M.（左）雖然同可嵐溝通好，自己唱番高音，但自己唱唔到就叫人唱始終唔係咁好，以後要改喇。
