最貴門票成$800，亦只有貴飛粉絲有機會上台近距離接觸SJ-M 。之前跪地拖fans 嘅崔始源又失驚無神抱起女fans ，大叫：「好sexy ！」
唔只台灣幫嚟爭食，韓國組合Super Junior-M 上週六（27日）起，亦響九龍灣國際展貿中心開咗兩日騷，每場都有三千fans 捧場。
7位成員有3個係中國仔，成晚齋唱國語歌，光良嘅〈童話〉、陶喆嘅〈愛很簡單〉、林憶蓮嘅〈至少還有你〉全部情歌，又講中文多過韓文，後尾仲索性叫粉絲上台又攬又孭又抱抱，貼身享受，你班港女仲有得轉
咩！
輪到韓國仔東海孭女fans ，點知唔夠力，腳軟跣番fans 落嚟，司儀劉偉恆叫fans 減肥，東海即兜：「唔肥，好靚！」識做到呢！
