新時代領袖高呼改革大喊change ，華爾街精英也要審時度勢，其裝備，也必變！
金融才子的通訊兵器BlackBerry ，在海嘯後也變，首度推出摺機，「直筆甩」外形也起變革，由黑莓變細莓。對摺後體態輕盈，將目標觀眾射向大市場，不再局限在有限度商業市場，所以制式上也退回2.5G 水平，沒有高速瀏覽網頁，但至少收發email 、發SMS 同玩msn 都揮灑自如，足夠常人通訊之用。
免費文章
外置插咭位及3.5mm 耳筒插位，主sell 聽歌及播放相片。
機面屏幕可直接閱讀SMS 及email ，靠兩邊機側按鍵操控，回覆就要打開機身才覆到。
鍵盤採用黑莓獨家SureType 鍵盤，每一按鍵代表2個英文字母，仲支援筆劃輸入，不過鍵盤上居然冇筆劃符號，怪。
Spec.
制式：GSM 四頻
屏幕：240×320、26萬色2.6吋TFT
鏡頭：200萬像素
記憶：microSD （最大8GB ）
體積：101.1×50×17.5mm
重量：102g
售價：$3,688
查詢：1010（28881010）
用SureType 鍵盤打「ketchup 」，先按6，再按1及2，字庫已經自動聯想出ketchup 成個字。
香港人打段字都會又中又英，經常要切換輸入法，今次只需按實alt 再按enter ，即可輕鬆切換。
少用email ？8220落齊msn 、Yahoo Messenger 、Google Talk 同BlackBerry Messenger ，只要你肯傾偈，一定用得著個鍵盤。
莓細鍵盤大
BlackBerry 變摺機，擁躉一定覺得怪，但新手使用，反而會覺得就手。首先屏幕同鍵盤毋須再迫埋一齊，變相令按鍵size 大了，單手操作都唔怕按錯隔籬，換言之打字極方便，對於黑莓新手，先感受黑莓打字的方便性，更易投入黑莓的世界。
外屏有大時鐘、日曆同星期，有幾多email 同SMS 都話埋你知，連facebook 有mesg 都知埋。
要分辨email 同SMS 好簡單，email 個信封四四正正，SMS 個封就打斜。
睇email 時連所有mesg details 都列埋，勁認真。
雙屏睇內容
另一類黑莓老闆客，平時日理萬機，必需立即睇晒所有email ，但又唔需要覆，8220都啱用，事關可以用外屏幕睇email 同SMS ，無謂mesg 睇完就算，重要事情至打開摺蓋回覆，最重要係冇晒以往黑莓的壓迫感，當佢係部普通手機，返工都好似冇咁大壓力。
對睇相及睇片介面都唔好抱太大期望，但求做得到已經有驚喜。
好耐冇見過手機有內建好玩game ，益智類有Word Mole ，畀堆字母你拼字過關；仲有打字game 訓練你打字，睇見士兵身上英文字就打字射佢。
黑莓一向以文字做介面多於圖像化，所以唔好為此吹毛求疵，用慣其實覺得仲清晰。
娛樂做主題
其實黑莓變陣，連主打功能都有新方向。例如可以用MP3做鈴聲，影相、睇片，連內置遊戲都好funny ，惟獨上網一瓣爭少少，始終只係2.5G 上網，流動睇網頁慢到激得死你，要上網最好靠內置WiFi 坐定定咁上。
試相：補光太勁
唔用補光燈拍攝，相片質素尚可，顏色還原度不俗，只係微粒稍多。而一開補光燈，就發現補光太強，近攝爆晒光，記得影大合照至好開補光燈。
細莓 BlackBerry Pearl Flip 8220
