剛剛成家立室的梁漢文（梁炳）前晚和一眾已婚藝人如森美和胡蓓蔚等，一同錄影《鐵甲無敵獎門人》。雖然已升級為人老公，但梁炳玩遊戲時依然相當投入，和另一女嘉賓陳爽玩啜乒乓波時公然親嘴，森美和胡蓓蔚更咀足四次。梁炳和阿雪玩「人肉呼拉圈」時卻力不從心，只轉得一圈，認真失威。
梁漢文、吳國敬、森美、阮小儀、胡蓓蔚和吳日言等，前晚到將軍澳電視廣播城錄影《鐵甲無敵獎門人》，該集將在年廿三晚播出，錢嘉樂即應節地說：「希望掃走晒啲疊字，好似翠翠同晶晶咁，只係要番單字包括鞏俐、朱茵同洪欣咁，幾好又靚。」阮兆祥笑言：「玩完盈盈樂樂，玩團團圓圓。」錢嘉樂聞言即說：「仆仆街街，師兄弟都敢玩！」曾志偉笑說：「我哋合家歡時間做乜搞成咁？」
攬阿雪只轉一圈
剛成家立室的梁炳似乎不怕被老婆扭耳仔，前晚
身盡玩，當他和陳爽玩啜乒乓波時不慎和她親嘴，表現肉緊；玩人肉呼拉圈時，梁炳要轉阿雪，竟力不從心只轉到一圈，即場被其他人取笑，曾志偉笑稱：「明益新郎哥！」王祖藍搭嘴謂：「邊個話結咗婚唔可以出嚟玩？」森美和胡蓓蔚則咀足四次，笑爆全場。當玩搶食遊戲時，已婚的胡蓓蔚和金剛竟做出女上男下的不雅動作；吳國敬又衣衫盡濕，曾志偉大玩不文說：「呢啲濕同唔同過啲濕？」森美與吳日言玩人肉呼拉圈時，連煲呔都甩掉，阮兆祥笑說：「你條嘢甩咗。」森美表示：「我要咬住條嘢先有力。」
梁漢文玩人肉呼拉圈轉阿雪時，力不從心只轉到一圈。
森美攬實阮小儀硬食一堆意粉，引得全場發笑。
樂樂飲盈盈靚湯
曾志偉（左）和錢嘉樂前晚錄影《獎門人》，大講有味笑話。
另外，談到錢嘉樂緋聞女友湯盈盈表示有煲湯給他飲，他說：「有飲，手勢都OK ，都唔知係咪佢媽咪煲？」問到湯盈盈怎樣拿湯給他飲？錢嘉樂直認拿到餐廳給他飲，但他聲稱已忘記是甚麼湯，至於有沒有與湯盈盈媽咪或家人食飯，錢嘉樂笑言死口不認。採訪：何慧斯攝影：葉君海
梁漢文和陳爽玩啜乒乓波時肉緊狂啜，難道不怕老婆呷醋？
from
http://appledaily.atnext. ... art_id=12032731
