梅艷芳不知不覺逝世5年，今日係佢死忌，一班歌迷依舊舉行活動懷念佢，噚日楊千嬅、梁漢文、關錦鵬同阿梅嘅二哥梅德明，應香港杜莎夫人紀念展覽邀請，幫阿梅換咗新衫嘅蠟像進行開幕儀式，梁漢文為隆重其事，仲著晒西裝戴煲呔出席，佢話：「見阿姐（梅姐）喎，梗係要著靚啲。」梅德明就比梅啟明低調，起初一直都耷低頭，用頂cap 帽遮咗半個樣，之後上台嗱紀念品先見到佢，之後佢都有做訪問，不過就一直話冇乜嘢好講，問到阿梅遺囑嘅事，佢就話：「遺囑都俾人改咗，有乜好講，
氣。」跟住轉身就走。
千嬅同梁漢文企喺阿梅蠟像兩旁合照，梗係要好似阿梅生前咁有台型先得。
大家一齊拉炮為阿梅換咗新衫嘅蠟像揭幕。
千嬅緊記帶眼識人
千嬅、梁漢文同關錦鵬都有講吓對阿梅生前嘅感覺，千嬅話阿梅好肯教人，有次阿梅同佢講，做女仔一定要帶眼識人，問千嬅過時係咪同鄭中基拍拖？佢話：「唔記得啦，梅姐唔係淨係講拍拖，係講做人做事。」此外，講到謝安琪為咗搶商台叱
女歌手金獎，喺最後兩周狂谷新歌，千嬅話：「我都唔理有幾多周，只係就嚟到年三十晚，今年可以一家人過年。」
阿梅嘅二哥梅德明比大哥梅啟明低調好多。
FROM: 頻果日報
