本來打算同鬼佬男友十指緊扣行去買熱狗嘅陳逸璇，點起支煙無耐就主動獻吻，食煙同嘴嘅連鎖行為，有啲騎呢！
原本係歌手嘅陳苑淇，舊年轉行做全職模特兒，仲搵師傅改咗個名叫陳逸璇，聲稱新名有助事業，兼可化解桃花劫。
得罪講句，八珍暫時發覺唔到陳逸璇事業上有咩突破，但上個禮拜五（十九日）半夜三點半，就目擊佢同老外男友街頭熱吻，桃花比事業旺。
喺美國波士頓讀經濟，擁有學士學位嘅陳逸璇，同鬼佬分外同聲同氣，當晚同男朋友響中環夜蒲完，十指緊扣走去熱狗店打算買外賣，不過最後都無幫襯。其間，陳逸璇點起支煙，之後就深情望住男友，再嚟個街頭熱吻加擁抱，企正前面影相都唔知，比起倪震同張茆夜場激吻，更加旁若無人。
熱吻完，陳逸璇歎番啖煙，之後攬實男友唔願走，阻住熱狗店做生意。
