名模熊黛林前晚請模特兒公司同事到太古廣場，欣賞她有份演出的電影《葉問》，熊黛林笑言已看了三次，問其緋聞男友郭富城會否捧場？她笑說：「噚日聯絡過，佢話買唔到飛。」
已買禮物
胡敏珊和男友龐維仁拍拖睇戲遇見記者，顯得相當避忌。
城城早前透露聖誕有一天假期，熊黛林會否跟他慶祝？她說：「一日假就睇戲啦，我會放幾日假，舊年都有收佢送嘅禮物，今年睇人哋心意，我買咗禮物畀佢。」有指想找城城拍《葉問2》飾演李小龍，她說：「我都唔介意同佢合作，不過講好打，佢一定唔係，但佢唱歌咁勁，就好似李小龍咁叻，係唱歌界嘅李小龍。」此外，鐘錶界美女胡敏珊前晚與男友龐維仁拍拖睇戲，卻表現尷尬，記者笑龐維仁為何避與女友合照，他說：「我唔係避忌，只係我對眼做過手術，好怕見到強光。」採訪、攝影：羅慧敏
熊黛林首度做女主角，前晚請模特兒同事看戲。
FROM: 頻果日報
