2008年香港小姐冠軍張舒雅，原定將會代表香港參加下月在佛山舉行的《2009國際中華小姐競選》（前名華裔小姐競選），不過這位新聞多多的港姐冠軍，日前以健康理由，向無線正式申請退選，無線將會改派亞軍陳倩揚代表上陣。
無線外事部副總監曾醒明昨日在電視城宣佈，經過公司了解後，接納港姐冠軍張舒雅退選一事，並且將派出亞軍陳倩揚參加國際中華小姐，有傳張舒雅患上情緒病，談到她目前的情況，曾醒明說：「因為涉及張舒雅嘅私隱，所以唔方便講佢嘅病，不過佢而家嘅情況唔係咁嚴重，醫生建議佢休息一段日子，我哋會同張舒雅保持聯絡，了解佢嘅情況。」
張舒雅由當選至今新聞多多，今次又再度退選，似乎有損港姐一貫形象。資料圖片
陳倩揚二度代張舒雅出戰選美，不過她坦言不介意，還會視為人生一次難得的經歷。
矇查查頂替
曾醒明表示今次是無線首次派亞軍參選國際中華小姐，1988年李嘉欣也曾以健康理由退選環球小姐。對於今次繼參加的南非世界小姐後，再度頂替張舒雅披甲出戰，亞軍陳倩揚表示日前才接獲通知，不過因為要趕緊準備，所以至今未有與張舒雅聯絡。陳倩揚說：「我都係上個禮拜尾先知呢件事，之前喺南非都有同張舒雅msn ，但係冇講過呢件事，上星期返咗嚟又因為工作好忙，大家都未有聯絡，所以唔知佢發生咗乜嘢事，但係我覺得佢係一個好開心同樂觀嘅女仔，唔會俾之前嘅報道影響。」
奪獎睇緣份
至於再次上陣有否壓力，陳倩揚說：「由選港姐到目前為止，我都冇畀壓力自己，無論有獎同冇獎都要睇緣份，不過我有上次參加世界小姐嘅經驗，會盡力表現自己。」採訪、攝影：何慧斯
陳倩揚當日以黑馬姿態當選亞軍，她表示得獎與否要看緣份，自己只會盡力表現自己。資料圖片
FROM: 頻果日報
