曾特首上個禮拜先上完京述職，順便搵阿爺支持香港經濟。噚日喺21世紀亞洲金融年會上，大摩嘅大中華區首席經濟學家王慶、巴克萊資本中國研究主管彭文生，同美林亞洲企業融資業務副總裁張玥都認為，歐美金融體系出現嚴重危機。相反，香港金融體系就保持穩定，自己搞得掂，唔使政府注資或者入股幫忙。當中以張玥對香港最信心爆棚，大膽預期香港能夠跑贏紐約、倫敦，成為全球國際金融中心一哥！佢話，香港嘅優勢在於港人夠勤力，適應能力強。歐美金融危機，造就大量金融人才回流香港，當然最重要係背靠祖國，喺歐美經濟衰退下，中國經濟仍能保持平穩增長，帶動對本港金融服務需求。
港深滬融合保地位
不過，內地學者長江商學院教授周春生就有保留，佢話香港首先要跟滬深兩個金融市場有良好融合，否則連保住中國金融中心地位都未必穩，仲講乜嘢做國際金融中心。佢建議香港同上海、深圳交易所股權互控，咁就大家都有利。
FROM: 頻果日報
如果您喜歡這篇文章，請按「讚」或分享給您的朋友，以示鼓勵。
