陳奕迅、何韻詩和張敬軒等昨日在荃灣出席「新城拉票第二回」活動，陳奕迅表現風騷，不時攬住勁敵張敬軒，當他得知與軒仔和許志安晉身男歌手三甲位置時，他笑說：「我睇好安仔，佢最勁，勁到可以唔使嚟，佢大牌啲但都受歡迎。」有傳梁漢文的婚禮要靠朋友借錢，陳奕迅說：「黐線，冇呢個需要，我就肯定冇，相信佢經濟冇問題。」另外，陳奕迅和容祖兒在「音樂先鋒榜」頒獎禮得到港台最受歡迎先鋒男、女歌手獎，昨日祖兒、鄭希怡和黃伊汶等在九龍灣出席「08樂壇跳舞歌大熱唱」活動，祖兒與何韻詩、楊千嬅暫時在新城勁爆女歌手網上投票領先，祖兒笑說：「何韻詩梗係我最大勁敵啦，佢今次隻碟做得好好。」採訪、攝影：駱華齡、胡比
陳奕迅（左）和張敬軒昨日在荃灣出席活動，鬥做鬼馬表情。
祖兒昨日現身九龍灣，笑言視何韻詩為勁敵。
