諸葛梓岐飾演傻大姐，同3個女仔爭森美喎。話晒諸葛後人扮冇腦啱唔啱佢㗎？
25歲Stephy 鄧麗欣孖住得17歲嘅鄧紫棋（G.E.M.）拍葉念琛導演嘅《保持愛你》就被彈扮晒阿姐，又老餅。
呢頭鄧走音鬥鄧靚音，嗰頭鄧走音又被狙擊喇！
導演好錫我！
今年８月拍咗個好立克廣告，諸葛梓岐即時走紅，葉念琛
聲搵佢拍新戲添。
導演好忙︰湊新寵
Marie 得寵啦，Stephy 唔在場，導演葉念琛即搵Marie 做「替身」，陪坐嗱手袋服侍周到，下部戲女主角都有得做呀！
陪愛將
12月2日，拍攝Stephy 戲分，葉念琛仍陪住Stephy 坐，顯示Stephy 「正印」身份，一個禮拜就錫晒Marie ，原來男人都好善變。
憑「好立克」廣告彈起的24歲索模諸葛梓岐（Marie ）最近就有份響《保》片演出，新片中飾演傻大姐嘅佢上星期一（8日）響荃灣拍戲，FBI 見佢同葉導演鬼咁好傾，仲同茶水阿姐好close 喎。拍完當日嘅戲分，葉導演仲幫諸葛梓岐遞手袋添，擺明要同鄧走音爭飯食啦！FBI 之後打電話問諸葛梓岐，佢直認已經冧掂導演：「導演好錫我、好照顧我，仲逐句對白教我點講。嚟緊導演話度緊再開戲，已經預埋我添。」勁識冧人嘅諸葛梓岐殺到埋身喇，「一姐」Stephy 真係要小心啲好！
