有「電訊魔童」之稱的王維基入主亞視不足兩星期，搞出軒然大波，其中秘密召見多位出爐亞姐時言辭輕挑，惹來性騷擾之嫌。至本周三（17日），王更正式辭去亞視CEO 職務。《蘋果日報》圖片
亞視變天，「魔童」王維基出任亞視行政總裁僅十二天即倒台，有指他閃電被叮走，除了是其「反中央去阿爺」言論過激，和鬧出選美賽果出錯風波外，導火線是他與亞姐會面時，對「岩石胸」之稱的袁小曼和應屆亞軍顏子菲口出狂言，有性騷擾之嫌。
本刊獲得可靠消息，原來當日面試並非亞視一早安排，其實是王臨時落order 要見她們，理由是要親自挑選口才了得的佳麗，作為日後清談節目主持，可惜絕密面談的內容最後被人洩漏出去。
樹敵太多加上口沒遮攔，最終令王維基成為亞視歷史以來最短命嘅CEO 。
亞視變天大醜聞，除高層發生「羅生門」鬧劇外，亞姐選美亦同樣被揭賽果與投票不符，兩件事的主角均與出任亞視CEO 不到兩星期的王維基有關，其實王本想藉調查亞姐賽果風波發圍，乘機下屠刀剷除異己，結果自己反成「刀下亡魂」。
周三（17日）與亞視達成共識的王維基開會後乘車離開亞視，結束其短暫CEO 生涯。《蘋果日報》圖片
12日當天，應屆出爐亞姐就是出席完頒獎禮活動後，臨時被召回公司與王維基面談。《蘋果日報》圖片
記招後急召亞姐
在亞視期間，被指行事魯莽的王維基，除到處辣火頭，在與亞姐面談中，因問有關胸部真偽而被指性騷擾。表面上，王維基出言輕挑似無心之失，不過據本刊得到可靠消息，原來王維基和亞姐會面，是有人獨行獨斷刻意安排，而非公司一早安排。
上周五（12日）下午2時，應屆亞姐在旺角的直銷中心接受贊助商頒發獎品，活動在下午四時結束，原定一眾亞姐可解散回家，但負責照顧她們的保母臨時接到電話，指亞姐要即時回亞視錄影廠向新任CEO 「請安」。
「其實嗰日王生（王維基）已經安排咗三、四個會，要同唔同部門嘅人傾，不過佢睇完幾份報紙後，忽然話想見啲亞姐，又話嚟緊有個清談節目，要見吓同試吓佢哋口才。有人問使唔使搵手足幫手set 機或者call 記者嚟，佢都話唔使，淨係搵咗佢個男助手陪，最後要臨時開個廠俾佢見亞姐。」一幕後人員透露。
左起
冠軍姚佳雯
季軍賴琳恩
第4名袁小曼
亞軍顏子菲
友誼小姐姚鳳鳳
牽涉秘密會面佳麗
12月12日，王維基臨時急召多位亞姐返公司開會，話題離不開她們的胸部和身材。與王維基會面後，部份亞姐已返回原居地，而本刊連日來亦在袁小曼寓所樓下守候，但未見其
影，有傳眾人受指示封口。
會議分布圖
據亞視員工透露，該秘密會面，是由王維基同時與五位佳麗進行，此外王身邊有一位男助手，而佳麗旁邊則有一位女保母。
會談圍繞胸部
「有幸」與王維基會面的亞姐，除了當日有份領獎的冠軍姚佳雯、亞軍顏子菲、季軍賴琳恩和友誼小姐姚鳳鳳外，王亦點名要求當日冇份領獎的第四名袁小曼到場。王與眾亞姐會面歷時半小時，由下午四點半至五點，以閉門會議形式進行，除以上六人外，就只得一名亞姐保母和王的助手在場。記者再從另一渠道接觸一位知情人士，他表示：「嗰日啲女仔冇換衫就直接入廠見大老細。老實講，有啲就表現得好興奮，不過有啲就怨話點解事前冇通知。去到錄影廠，王生已經坐咗響主席位度，見班亞姐坐低之後，王生就逐個逐個由頭到腳望咗吓。開頭佢同我哋講只傾十五分鐘，不過搞搞吓就成半個鐘。
「佢未問問題前，就講咗一大堆說話指亞姐選舉制度好有問題，又話自己查緊啲投票結果，仲話三甲名單隨時有變，嚇到班女仔唔識俾反應。之後佢未問冠亞季之前，就劈頭同袁小曼講句：『你個波真定假㗎！』其他女仔都O 晒嘴，反而袁小曼就笑笑口『我係真㗎，仲好軟熟添，使唔使摸下。」
除了對「岩石胸」有興趣，王維基對「微波」同樣情有獨鍾。面對上圍只得32A 的亞軍顏子菲說自己仍有進步空間時，王問她：「有乜進步空間？個波大啲呀？」露骨言論登時令顏招架不住，呆站當場。
張永霖向亞姐加冕後一星期，王維基又自揭賽果與投票結果不符，鬧出一連串是非，最終王落得「執包袱」收場。
本周三（17日），王維基發表書面聲明，正式宣布辭去行政總裁一職，聲明最後提到被指有性騷擾之嫌的亞姐面試，他表示「我用錯字眼……失言亦是無心之失。」
死敵發布消息
不過，王維基過完「口癮」不足廿四小時，絕密會談內容卻在翌日報章大肆報道，輿論一致認為他有性騷擾亞姐之嫌。據知發布消息是由王最近在很多職員會中當眾責備的一位員工所為。兩日後，其「老死」張永霖在出席調查亞姐賽果的記招時，當記者問及關於有指王維基性騷擾一事時，張即表示已接受王維基「請辭」，殺王一個措手不及。一知情人士說：「佢（王維基）入嚟咁短日子，就辣著咁多火頭，好多人都想佢早走早著，佢今次把口唔收俾人食到正，都係自己嗱嚟，冇得怨人。」
對面試深感歉疚
閃電「人頭落地」的王維基，有傳事後雖向亞視大股東查懋聲家族力數張永霖「不是」，以圖力挽狂瀾，但周三（17日）經一輪高層會議後，王維基忽然又妥協請辭CEO 一職而改任亞視顧問。在他發表的聲明中，言辭不像以往般辛辣，只草草交代自己在亞視十二日中，上演了人生寶貴一課。最後當他交代自己和亞姐面試的風波時，就承認自己用錯字眼，對此「深感歉疚」。魔童大鬧亞視12日，劇情峰迴路轉，引人入「性」，不過最終都要落幕收場。
女星圍剿
袁彌明：好猥瑣
港姐出身的袁彌明，最近以部頭形式與亞視合作，她大怒說：「如果有人咁問我，我會摑佢兩巴，覺得好侮辱，男人同女人咁講嘢一定構成性騷擾，雖然袁小曼嘅身材有可疑似假，但條問題好猥瑣。佢（指王維基）入咗嚟亞視乜都未做，得罪中央又得罪亞姐，咁樣點做老闆呀！」
陳煒：講嘢要知身份
「佢（王維基）唔係娛樂節目主持，唔使隨口噏搞爛gag ，佢講嘢要知自己身份。如果佢咁問我，我梗係答當然係真啦！有咩問題呀。不過個女仔（指袁小曼）都好有問題，又講大話（被指疑隆胸），又咁樣答，思維都好有問題。依家王維基突然辭職，好唔負責任。」
張文慈：最緊要慎言
「一個CEO 最緊要慎言，唔應該亂說話，作為男人更加唔應該講啲咁嘅嘢，既然佢依家都唔做咯，平息咗件事就算，告一段落喇！」
韓君婷：應該報警
「佢係生意人，基本禮貌應該識，我希望同事間互相尊重，如果咁問我唔知點反應，如果個女仔覺得係性騷擾就應該報警，香港係法治社會。亞視成日都換老細，今日係佢，聽日可能係第二個！」
黎燕珊：佢身材唔自然
「作為女士，如果被問到呢啲問題，一定會唔開心，其實我之前接觸過袁小曼，已經覺得佢身材唔自然，所以俾佢好低嘅分數。我個人唔贊成隆胸選美，自然就係美。」
平機會：被騷擾者可索償
王維基直問袁小曼是否「假波」，雖然大眾均口徑一致指他有性騷擾之嫌，但平等機會委員會發言人羅小姐表示，是否構成性騷擾要視乎當事人的感受。「其實性騷擾分兩類，第一類係侮辱性而涉及性嘅行為，第二類係牽涉到僱傭關係中一啲涉及性嘅行為。最緊要被騷擾者事發時係咪覺得受侮辱。」
而亞姐袁小曼當時對王回答：「使唔使摸吓？」為此平機會補充：「事後當事人覺得受侮辱，都可以打去平機會熱線投訴，性騷擾係民事訴訟，一般會係索償。」
